ဖိလစ်ပိုင်မှာ နိုရူတိုင်ဖွန်း မုန်တိုင်း ဝင်ရောက်တိုက်ခတ်မှုကြောင့် အနည်းဆုံး လူ ၅ ဦးသေဆုံး

ဖိလစ်ပိုင်မြောက်ပိုင်းပြည်နယ် ကုန်းတွင်းပိုင်းကို ပြီးခဲ့တဲ့ ရက်ပိုင်းက တိုင်ဖွန်းနိုရူ ဝင်ရောက် သောင်းကျန်းခဲ့လို့ ရေလွှမ်းမိုးခဲ့ရတဲ့ အပြင် အနည်းဆုံး လူ ၅ ဦး‌သေဆုံးခဲ့ကြောင်း အာဏာပိုင်တွေက တနင်္လာနေ့ (စက်တင်ဘာ ၂၆ ရက်) မှာ ထုတ်ပြန်ခဲ့ပါတယ်။

တိုင်ဖွန်းနိုရူဟာ ကုန်းတွင်းပိုင်းကို တစ်နာရီကို လေတိုက်နှုန်း ၁၈၅ ကီလိုမီတာ နှုန်းဖြင့် ‌တိုက်ခိုက်ခဲ့တာဖြစ်ပြီး ရေလွှမ်းမိုးခဲ့ရတဲ့ အပြင် လူနေအိမ်တချို့ လည်း ပျက်စီးခဲ့ပြီး စာသင်ကျောင်းများ ၊ စက်ရုံအလုပ်ရုံများ တနင်္လာနေ့အထိယာယီပိတ်ထားခဲ့ရကြောင်း သိရပါတယ်။ မုန်တိုင်းကြောင့် လူပေါင်း ၇၅,၀၀၀ လောက်က အရေးပေါ် ဘေးလွတ်ရာသို့ ပြောင်းရွှေ့ခဲ့ရပြီး ပြိုကျပျက်စီး‌သွားတဲ့ သစ်ပင်နှင့် အဆောက်အဦးများကို ရှင်းလင်းမှုလုပ်ငန်းနှင့် ကူညီကယ်ဆယ်ရေး လုပ်ငန်းများလုပ်ဆောင်နေတယ်လို့ ဆိုပါတယ်။

တိုင်ဖွန်းနိုရူဟာ ကုန်းတွင်းပိုင်းကို ဝင်ရောက်ခဲ့သော်လည်း တနင်္ဂနွေညမှာ ကုန်းတွင်းပိုင်းကို ဖြတ်သွားတာကြောင့် အားပျော့သွားခဲ့ပြီး တောင်တရုတ်ပင်လယ်ပြင်ကနေ ဗီယက်နမ်သို့ ဦးတည်သွားခဲ့ကြောင်း နိုင်ငံပိုင် မိုးလေဝသအေဂျင်စီက ထုတ်ပြန်ထားပါတယ်။

ကျွန်းပေါင်း ၇,၆၀၀ ကျော်ရှိတဲ့ ကျွန်းစုဖြစ်တဲ့ ဖိလစ်ပိုင်နိုင်ငံဟာ နှစ်စဉ် ပျမ်းမျှအားဖြင့် အပူပိုင်းမုန်တိုင်း ၂၀ ကြိမ်ထက်မနည်း ဖြစ်ပေါ်နေပါတယ်။၂၀၁၃ ခုနှစ်က စံချိန်တင် အင်အားအပြင်းဆုံး အပူပိုင်း ဆိုင်ကလုန်းမုန်တိုင်း Haiyan ဝင်ရောက်တိုက်ခတ်မှုမှတော့ လူပေါင်း ၆၃၀၀ ထိ သေဆုံးခဲ့ပါတယ်။

သတင်း အရင်းအမြစ်៖ Source - CNA News