ဆွစ်ဇာလယ်သမားတွေက ကမ္ဘာ့အကြီးဆုံး ရိုစတီကို ချက်ပြုတ်

ကမ္ဘာ့အကြီးဆုံး ရိုစတီ - ဆွဇ်ရိုးရာ အာလူးကြော်ကို Bern မြို့မှာ ပြီးခဲ့တဲ့ တနင်္လာနေ့ကကြော်လှော်ခဲ့ပြီး ယခင်စံချိန်ကို ချိုးဖျက်ခဲ့တယ်လို့ ဆွစ်လယ်သမားသမဂ္ဂ (USP) မှ ပြောကြားခဲ့ပါတယ်။ သုံးစတုရန်းမီတာရှိတဲ့ ကြော်စာပြုလုပ်ခဲ့ရာမှာ ၁၉၉၄ ခုနှစ်က ဆွစ်ဇာလန်နိုင်ငံအလယ်ပိုင်း Thun မှာ လုပ်ခဲ့တဲ့ စံချိန်ကို အလွယ်တကူ ကျော်ဖြတ်နိုင်ခဲ့ပြီး စံချိန်အသစ်မှာ ၁၃.၇ စတုရန်းမီတာ ရှိခဲ့တယ်လို့ သိရပါတယ်။

ဆွစ်ဇာလန်လယ်သမားများက ဒီလို ချက်ပြုတ်တဲ့ ရိုးရာပွဲကို နှစ်စဉ်ကျင်းပကြတာဖြစ်ပြီး ယခုထိကျင်းပလာတာဟာ ၁၂၅ ကြိမ်မြောက်ရောက်ရှိလာခဲ့လို့ သိရပါတယ်။ အခမ်းအနားကို ကျင်းပရာမှာ ဆွစ်ဇာလန်အစိုးရနှင့် ပါလီမန် အဆောက်အအုံများရှေ့ရှိ ဖက်ဒရယ်ရင်ပြင်မှာ ပြုလုပ်ကြပြီး ကြော်တဲ့ ဒယ်အိုးပုံစံကိုတော့ ဆွစ်ဇာလန်အလံနှင့်တူတဲ့ လက်ဝါးကပ်တိုင်ပုံသဏ္ဍာန် ပြုလုပ်ထားကြတာ ဖြစ်ပါတယ်။

ချက်ပြုတ်ပြီးတဲ့ အခါမှာလည်း အကြော်အလှော်များကို အများအပြား လာရောက်ကြည့်ရှုသူများကို ပြန်လည်ဝေမျှကျွေးမွေးခဲ့ကြပါတယ်။ အဆိုပါ ချက်ပြုတ်တဲ့ ဟင်းလျာကိုတော့ အမျိုးသားရေး ဟင်းလျာ"Rostigraben" လိုခေါ်ဆိုကြပါတယ်။ တနင်္လာနေ့မှ ချက်ပြုတ်ထားတဲ့ အာလူးများဟာ ဆွစ်ဇာလန်ရဲ့ ဒေသတိုင်းမှ ရိတ်သိမ်းခဲ့တဲ့ အာလူးများဖြစ်ပါတယ်။

သတင်း အရင်းအမြစ်៖ Source - sg.news