မက္ကဆီကိုမှာ အင်အားပြင်း ၇.၆ အဆင့်ရှိ ငလျင်တစ်ခုလှုပ်ခတ်

//s9.kh1.co/2e/2e68756b525216212a9e7d05571325d1f5a4416b.jpg
နေ့စဉ်သတင်းများ

 ၂၀-စက်-၂၀၂၂ ၁၂pm · လွန်ခဲ့သော ၂ နှစ် က

မက္ကဆီကိုမှာ အင်အားပြင်း ၇.၆ အဆင့်ရှိ ငလျင်တစ်ခုလှုပ်ခတ်

မက္ကဆီကိုနိုင်ငံ Michoacan နှင့် Colima ပြည်နယ်နယ်စပ်ရှိ ကမ်းရိုးတန်းကို ဗဟိုပြုပြီး စက်တင်ဘာလ ၁၉ ရက် ယမန်နေ့က မွန်းလွဲ ၁ နာရီလောက်က ပြင်းအား ၇.၆ အဆင့်ရှိ ငလျင်တစ်ခုလှုပ်ခတ်ခဲ့တယ်လို့ သိရပါတယ်။ ငလျင်ဗဟိုချက်မှ မိုင် ၂၀၀ ခန့်အကွာရှိ ကမ်းရိုးတန်းဒေသများမှာ ဆူနာမီဖြစ်ပွားနိုင်တယ်လို့ အမေရိကန် ဆူနာမီသတိပေးဌာနက ထုတ်ပြန်ထားပြီး ဒီရေမျက်နှာပြင်အထက် ၁ မီတာမှ ၃ မီတာ (၃ မှ ၉ ပေ) အထိ လှိုင်းအသင့်အတင့်ရှိခဲ့တယ်လို့ ဆိုပါတယ်။

Photo Credit - From Google
Photo Credit - From Google

အဆိုငလျင်လှုပ်ခတ်မှုကြောင့် အဆောက်အအုံတချို့ ပြိုကျပျက်စီးမှုဖြစ်ပွားခဲ့ပြီး လူတစ်ဦး သေဆုံးခဲ့ကြောင်း သမ္မတ Andres Manuel Lopez Obrador က သူ့ရဲ့ Twitter မှာ ပြောကြားခဲ့ပါတယ်။ ပျံ့နှံ့လာတဲ့ ရုပ်သံဖိုင်တွေမှာတော့ အဆောက်အအုံများ တုန်လှုပ်ချောက်ချားဖွယ် လှုပ်ယမ်းခါခဲ့ကြတာကို တွေ့မြင်ရပါတယ်။ ငလျင်ဗဟိုချက်ရဲ့ အရှေ့ဘက် မိုင် ၄၀၀ ခန့်အကွာ မက္ကဆီကိုစီးတီးမှာ ငလျင်ကြိုတင်ကာကွယ်မှုအဖြစ် အဆောက်အအုံများမှ ဒေသခံပြည်သူများကို ဘေးလွတ်ရာသို့ ရွှေ့ပြောင်းခဲ့ရတယ်လို့ သိရပါတယ်။

Photo Credit - From Google
Photo Credit - From Google

မက္ကဆီကိုနိုင်ငံမှာ ၁၉၈၅ ခုနှစ်က လှုပ်ခတ်ခဲ့တဲ့ ပြင်းအား ၈.၀ အဆင့်ရှိ ငလျင်မှာ လူပေါင်း ထောင်နဲ့ချီ သေဆုံးခဲ့ရပါတယ်။ အလားတူ ၂၀၁၇ ခုနှစ်တုန်းကလည်း လှုပ်ခတ်ခဲ့တဲ့ ပြင်းအား ၇.၁ အဆင့်ရှိ ငလျင်တစ်ခုမှာလည်း လူပေါင်း ၃၅၀ ကျော် သေဆုံးခဲ့တဲ့ ဖြစ်ရပ်များရှိခဲ့ပါတယ်။

Photo Credit - From Google
Photo Credit - From Google

သတင်း အရင်းအမြစ်Source - timesnownews

Thant Zin Aung
Thant Zin

ဆက်စပ်သတင်း

မူပိုင်ခွင့် Mediaload
Powered by Bong I.T Bong I.T