ချစ်သူလေးနဲ့အတူ ညလုံးပေါက် အဓိဌာန်ဝင်ပြီး ကောင်းမှုကုသိုလ်တွေ ပြုလုပ်ခဲ့တဲ့ ပိုးမီ

Myanmar Idol အဆိုရှင်ဟောင်း တစ်ဦးဖြစ်တဲ့ ပိုးမိကတော့ ဂီတလမ်းခရီးကို အကောင်းဆုံး ကြိုးစားလျှောက်လှမ်းနေတဲ့ အနုပညာရှင်တစ်ဦးပဲ ဖြစ်ပါတယ်။ ယခုနောက်ပိုင်းမှာ သူမဟာ လူတိုင်းရင်ထဲထိမှန်စေတဲ့ သီချင်းကောင်းတွေလည်း ထွက်ရှိထားပြီး လူငယ်တွေကြားမှာ ရေပန်းစားကာ အားပေးမှုကိုလည်း အခိုင်အမာ ရရှိထားခဲ့ပါတယ်။ လတ်တလောမှာတော့ ပိုးမိဟာ ပရိသတ်တွေရဲ့ စိတ်ဝင်စားမှုကို ရရှိနေတာ တွေ့ရပါတယ်။

ဘာကြောင့်လဲဆိုတော့ မကြာသေးမီက အရမ်းချစ်ရတဲ့ သူ့ရဲ့ ချစ်သူကောင်မလေးကို ထုတ်ပြလာခဲ့လို့ပါ။ ပရိသတ်တွေကလည်း ပိုးမိ တို့နှစ်ယောက်ရဲ့ အချစ်ရေးကို သဘောကျခဲ့က ပြီး ချစ်အားပိုခဲ့ကြတာ တွေ့ရပါတယ်။ အဲ့ဒီနောက်ပိုင်း နှစ်ယောက်ဟာအတူ ဘုရားသွား၊ ကျောင်းတက် စတဲ့ ကောင်းမှုကုသိုလ်တွေ စိတ်တူကိုယ်တူ ပြုလုပ်ခဲ့တဲ့ အမှတ်တရတွေကို မကြာခဏ မျှဝေဖော်ပြပေးပါတယ်။

ယခုမှာလည်း ပိုးမီက ကောင်းမှုကုသိုလ် ပြုလုပ်ခဲ့တာလေးကို ထပ်မံဖော်ပြလာခဲ့ပါတယ်။ ဒီတစ်ခါမှာလည်း သူမရဲ့ ချစ်သူကောင်မလေးနဲ့အတူ ပြုလုပ်ခဲ့တာပါ။ ဒီကုသိုလ်ကောင်းမှုနဲ့ ပတ်သက်ပြီး ပိုးမီက " စမတောင် ဆီသို့ …. တစ်နေ့တာခရီးစဉ်အထူးခြားဆုံး ..ညလုံးပေါက် အဓိဌာန် အမှတ်တရ …ပြုသမျှ ကုသိုလ် …ထပ်တူရကြပါစေသော် " ဆိုကာ ရေးသားထားခဲ့ပါတယ်။ နှစ်ယောက်စလုံးက စိတ်တူကိုယ်တူတွေဖြစ်ပြီး ကောင်းမှုကုသိုလ်တွေပြုလုပ်ခဲ့တာကတော့ မြင်ရသူတိုင်း ကြည်နူးမိပါတယ်။ ပရိသတ်တွေလည်း ပိုးမီတို့ ချစ်သူနှစ်ဦးကို ချစ်အားပိုမယ်လို့လည်း ထင်ပါတယ်။

သတင်း အရင်းအမြစ်៖ Source - Poe Mi