ဒါရိုက်တာစင်ရော်မောင်မောင်နဲ့ မင်းသမီးချော မေသန်းနုတို့ရဲ့တစ်ဦးတည်းသောသားလေး ဖြစ်တဲ့ မင်းသန့်မောင်မောင်ကို ပရိသတ်တွေသိကြမယ်လို့ ထင်ပါတယ်။ မင်းသန့်မောင်မောင်ဟာနိုင်ငံခြားမှာ ရုပ်ရှင်ပညာတွေကို သွားရောက်သင်ကြားခဲ့ပြီး မြန်မာနိုင်ငံမှာ ဒါရိုက်တာ တစ်ယောက်အဖြစ်လည်း လုပ်ကိုင်သလို သရုပ်ဆောင်အနေနဲ့လည်း တွေ့လာရပါတယ်။
သူသင်ကြားလာခဲ့တဲ့ ပညာရပ်တွေနဲ့ ဖခင်ကြီးဆီမှာ ဆည်းပူးရရှိခဲ့တဲ့ ပညာများပေါင်းစပ်ပြီး မတူညီတဲ့ အနုပညာတွေကို ဖန်တီးနိုင်အောင် ကြိုးစားလျှောက်လှမ်းနေ သူပဲ ဖြစ်ပါတယ်။ လက်ရှိမှာတော့ ဖခင်ကြီးနဲ့အတူ အနုပညာအလုပ်တွေကို ပူးတွဲလုပ်ကိုင်နေတာ ဖြစ်ပါတယ်။ ယမန်နေ့ကတော့ မင်းသန့်မောင်မောင်ရဲ့ အသက် ၂၅ နှစ်ပြည့် မွေးနေ့လေးကို ကျရောက်ခဲ့ပါတယ်။
မွေးနေ့ရက်မြတ်လေးမှာတော့ ဖခင်ကြီး စင်ရော်မောင်မောင်က ကြည်နူးစရာပုံရိပ်တချို့ကို ဖော်ပြခဲ့ပါတယ်။ အဲ့ဒါကတော့ သားဖြစ်သူ မင်းသန့်မောင်မောင်ရဲ့ မွေးနေ့အတွက် "အောင်ဆန်းတောရတပ်ဦး"ကျောင်းတိုက်မှ ကျောင်းရှိ သံဃာတော်များအား နေ့ဆွမ်းဆက်ကပ်လှူဒါန်းပေးခဲ့တာ ဖြစ်ပါတယ်။ အဆိုပါ မွေးနေ့အလှူလေးမှာ မိသားစု ၃ ဦး စုံလင်စွာ အတူတူကုသိုလ်ပြုခဲ့ကြတာ တွေ့ရပါတယ်။ ကဲ.. ပရိသတ်ကြီးရေ အသက် ၂၅ နှစ်ပြည့်သွားပြီဖြစ်တဲ့ မင်းသန့်မောင်မောင်ကို မွေးနေ့ဆုမွန်ကောင်းတွေ တောင်းပေးလိုက်ပါဦး။
သတင်း အရင်းအမြစ်៖ Source - Zin Yaw Mg Mg