သရုပ်ဆောင် Jang Nara ဟာဆိုရင် မကြာသေးမီကမှ သူမထက် အသက် ၆ နှစ်ငယ်တဲ့ ချစ်သူ ကောင်လေးနဲ့ လက်ထပ်ခဲ့တာဖြစ်ပါတယ်။ Jang Nara နဲ့ သူမရဲ့ချစ်သူကောင်လေးတို့ဟာ ချိန်းတွေ့ပြီး ၂ နှစ်အကြာမှာ လက်ထပ်ခဲ့ကြတာဖြစ်ပါတယ်။ သရုပ်ဆောင်လောက ကမဟုတ်တာကြောင့် မမ Jang Nara က သူမအမျိုးသားရဲ့ ပုံစံကို လျို့ဝှက်ချက်အနေနဲ့ ထားရှိထားပါတယ်။ မင်္ဂလာပွဲမှာလည်း ခင်ပွန်းဖြစ်သူရဲ့ ပုံရိပ်ကို မဖော်ပြဖို့အတွက် သတင်းဌာနတွေကို တောင်းဆိုထားပါတယ်။
ဇူလိုင်လ ၂ ရက်နေ့မှာတော့ ကံကောင်းတဲ့ ပရိသတ်လေးတစ်ယောက်က Jang Nara နဲ့ သူမ ခင်ပွန်းဖြစ်သူတို့ ဟန်းနီးမွန်း ထွက်နေတဲ့ ပုံရိပ်လေးကို ရိုက်ကူးနိုင်ခဲ့ပါတယ်။ ဒီဓာတ်ပုံလေးက မင်္ဂလာပွဲ ပြီးနောက်မှာ ပထမဦးဆုံး အနေနဲ့ Jang Nara ကို ပရိသတ်တွေ စတင်တွေ့ရှိလာခဲ့တဲ့ ပုံလေး ဖြစ်ပါတယ်။ ဓာတ်ပုံလေးထဲမှာတွေ့ရတဲ့ Jang Nara တို့ ဇနီးမောင်နှံက အပြာရောင် အင်္ကျီ ဆင်တူလေးဝတ်ထားပြီး အရမ်းကို ချစ်ဖို့ကောင်းနေကြပါတယ်။
မင်္ဂလာ စုံတွဲလေး နှစ်ယောက်က အသက်ကွာကြပေမယ့် အရမ်းကို လိုက်ဖက်မှုရှိနေပြီး ချစ်ဖို့ကောင်းလွန်းနေပါတယ်။ Jang Nara ရဲ့ ခင်ပွန်းဖြစ်သူ မျက်နှာကိုလည်း မမြင်တွေ့ရဘဲ ကျောကုန်းကိုသာတွေ့ရပေမယ့် ပိန်သွယ်ပါးလွှာပြီး ရှည်လျားတဲ့ အရပ်ကြောင့် လူချောလေးလို့ ပြောနေကြပါတယ်။ မမ Jang Nara ရဲ့ အရမ်းကို လိုက်ဖက်နေတဲ့ သတို့သားလေးရဲ့ ပုံရိပ်လေးကို ပရိသတ်ကြီးအတွက် ဝေမျှပေးလိုက်ပါတယ်နော်။