ယူကရိန်းနိုင်ငံ ၊ အိုဒက်ဆာ နယ်မြေက တိုက်ခန်းတစ်ခန်းမှာ ရုရှားရဲ့ ဒုံးကျည်ပစ်ခတ်တိုက်ခိုက်မှုကြောင့် အဆောက်အအုံအတွင်းရှိနေတဲ့ လူပေါင်း အနည်းဆုံး (၁၈) ဦးသေဆုံးခဲ့တယ်လို့ ယူကရိန်း ဒေသတာဝန်ရှိသူတွေ ပြောကြားချက်အရ သိရပါတယ်။
ယူကရိန်းနိုင်ငံ ၊ အိုဒက်ဆာရဲ့ အဓိက မြို့ကြီးအနီး ၊ ပင်လယ်နက်ကမ်းရိုးတန်းမှာရှိတဲ့ ဘီဟိုရော့- ဒီနီစတရိုဗ်စကီအနီးက အဆောက်အအုံကို ရုရှားဘက်ကနေ ဒုံးကျည်နဲ့ ပစ်ခတ်တိုက်ခိုက်ခဲ့တယ်လို့ သိရပါတယ်။
ရုရှားဘက်မှ ဒုံးကျည်(၃)စင်းနဲ့ ကိုးထပ်တိုက် အဆောက်အအုံကို ပစ်ခတ်ခဲ့တာဖြစ်တယ်လို့ သတင်းဌာနများရဲ့ ဖော်ပြချက်အရသိရပါတယ်။ တိုက်ခိုက်မှုအပြီးမှာတင်အဆောက်အအုံက မီးလောင်ကျွမ်းခဲ့တာဖြစ်တယ်လို့သိရပါတယ်။
Bong I.T