ဇနီးသည်ဟာ လူနေမှုစရိတ်အကျပ်အတည်းကို တိုက်ဖျက်ရန် နည်းလမ်းတစ်ခုကို ရှာတွေ့ခဲ့ပါတယ်။ အဲ့တာကတော့ သူမရဲ့ယောက်ျားကို တခြားသူတွေ ငှားနိုင်အောင် ပြုလုပ်ခဲ့တာပါပဲ။ လော်ရာယန်း ဟာ ယောက်ျားဖြစ်သူ ဂျိမ်းနဲ့ ကလေး ၃ ယောက်နဲ့အတူ ဘလက်ချယ်လီ မှာနေထိုင်ပါတယ်။ သူမဟာ ဒီအကြံကို ပရိဘောဂတွေကို တခြားသူတွေအတွက် ထုပ်ပိုးပြီး အသက်မွေးဝမ်းကြောင်းပြုနေတဲ့ အမျိုးသားတစ်ယောက်ရဲ့ ဇာတ်လမ်းကို ကြားပြီ ရရှိခဲ့တာဖြစ်ပါတယ်။ ဒါကြောင့် သူမဟာ အဲ့လူရဲ့ဇာတ်လမ်းထဲက တူညီတဲ့ ရှထောင့်ကို ကြည့်လိုက်ပြီ သူမရဲ့ ချစ်ခင်ရတဲ့အမျိုးသားကို အလုပ်မှာ ငှားလိုက်ပါတယ်။
ဂျိမ်းဟာ စိတ်ကြိုက်ကုတင်များ ဆောက်ခြင်း၊ မီးဖိုချောင်နှင့် အလှဆင်ခြင်း နှင့် ထမင်းစား စားပွဲကို အစမှအဆုံး ပြုလုပ်ခြင်းဖြင့် မိသားစုအိမ်ကို အသွင်ပြောင်းပေးနေသူဖြစ်ပါတယ်။ သူဟာ ပန်းချီဆွဲခြင်း၊ အလှဆင်ခြင်း၊ ကြွေပြားခင်းခြင်းနှင့် ကော်ဇောခင်းခြင်းစတဲ့ အလုပ်တွေမှာ ကျွမ်းကျင်ပညာရှင်လည်းဖြစ်ပါတယ်။ သူမက " သူက အိမ်ရော ခြံထဲမှာပါ အကုန်ကျွမ်းကျင်သူတစ်ယောက်ပါ။ အဲ့တာကြောင့် ကျွန်မလည်း သူရဲ့ အရည်အချင်းတွေကို အသုံးချဖို့ တခြားသူတွေကို ဘာလို့မငှားရမှာလဲ " လို့ပြောခဲ့ပါတယ်။
သူမရဲ့ 'Rent My Handy Husband' ဝဘ်ဆိုက်၊ Facebook နှင့် Nextdoor တွင် ကြော်ငြာများထည့်သွင်းခဲ့ပြီး လူတွေမတုံ့ပြန်မှာကို စိုးရိမ်ခဲ့မိပေမယ့် လူများစွာ စိတ်ဝင်စားမှုကြောင့် သူမအံ့ဩခဲ့ရပါတယ်။ ဂျိမ်းအတွက်လည်း ဒီအလုပ်ဟာ အဆင်ပြေခဲ့ပါတယ်။ လော်ရာရဲ့ စီးပွားရေးကတော့ နောက်တစ်ဆင့် မှာရှိနေပါတယ်။ " ကျွန်မ ယောက်ျားကို ငှားနိုင်ပါတယ် " ဆိုပြီး ဘယ်လိုများ တွေးမိနိုင်ခဲ့လဲကို သူမကလွဲပြီး ဘယ်သူမှ မသိမှာ အမှန်ပါပဲ။
သတင်း အရင်းအမြစ်៖ Ladbible
Bong I.T