ပူပြင်းလှတဲ့ နေ့တစ်နေ့မှာ အဖွားဖြစ်သူက ၃ နှစ်သားလေးကို နာရီပေါင်းများစွာ ကားထဲမှာထားခဲ့တာ မေ့သွားတဲ့အတွက် သေဆုံးခဲ့ပါတယ်။ ဒီကလေးလေးရဲ့ နာမည်ကတော့ ကန်ဒရစ် အင်ဂရမ် ဂျူနီယာလို့သိရှိရပါတယ်။ ကလေးလေးက ကားနောက်ခုံမှာ ထိုင်နေခဲ့တာဖြစ်ပြီး နာရီပေါင်း ၂ နာရီနဲ့ ၄၅ မိနစ်ထိ ပူလှတဲ့ နေအောက်မှာ ရပ်ထားတဲ့ ကားထဲမှာ ရှိနေခဲ့တာပါ။ ကလေးကတော့လအသက်ရှုကြပ်ပြီး သေသွားခဲ့ရတာဖြစ်ပါတယ်။
အဲ့ဒီနေ့ရဲ့ အမြင့်ဆုံးအပူချိန်မှာ 96°F ဖြစ်ပြီး အနိမ့်ဆုံးမှာ 90°F ရှိကြောင်း အမျိုးသားမိုးလေဝသဌာနမှ သိရှိခဲ့ရပါတယ်။ ကန်ဒရစ်ဟာ သူရဲ့အဖွားနဲ့ သူရဲ့ အစ်မ ၃ ယောက်နဲ့အတူ ရှိနေခဲ့တာပါ။ မိသားစုဟာ ညနေ ၅နာရီခွဲမှာ အိမ်ပြန်လာခဲ့ပါတယ်။ ဦလေးဖြစ်သူ ဘာရန်က " အကုန်လုံးက အိမ်ထဲပြန်ရောက်ခဲ့ပြီး ကလေးလေးတော့ မပါခဲ့ပါဘူး။ အဖွားဖြစ်သူက အိပ်ခန်းထဲမှာရှိနေပြီး ကလေးတွေကတော့ မီးဖိုးချောင်းထဲ သွားစားတဲ့သူနဲ့ အပြင်မှာကစားနေခဲ့ကြပါတယ်။ " လို့ပြောခဲ့ပါတယ်။
၃ နာရီနီးပါးကြာပြီ ၈နာရီ ၁၅မိနစ်မှ အဖွားဖြစ်သူက သူမြေးပျောက်နေတာကိုသိခဲ့ပါတယ်။ ကလေးတွေကိုမေးတော့လည်း ဘယ်သူမှမသိခဲ့ပါဘူး။ အဖွားကအဲ့တော့မှ ကန်ဒရစ်ရဲ့ ဦးလေးကို ခေါ်ပြီး သူနဲ့အတူရှိလာမေးတော့ ပထမတော့ငြင်းခဲ့ပါတယ်။ နောက်ကျမှ ကလေးကို ကားထဲမှာ ဦလေးဖြစ်သူက တွေ့ခဲ့ပါတယ်။ ကလေးကို ၉ နာရီမှာသေခဲ့ကြောင်း အတည်ပြုခဲ့ပါတယ်။ ဦးလေးဖြစ်သူကတော့ သူတူလေးလို မဖြစ်ဖို့ ကလေးတွေကို သေချာဂရုစိုက်ပေးဖို့လမှာခဲ့ပါတယ်။
ကလေးသေဆုံးမှုနဲ့ပတ်သက်ပြီး မိသားစုဟာ တရားခွင်ရင်ဆိုင်ရ မရ မသိရှိရသေးပါဘူး။ ကန်ဒရစ်ဟာ ဒီနှစ်ထဲမှာ ကားထဲပိတ်မိပြီး ပူလွန်တဲ့ ရာသီဥတုကြောင့် သေရတဲ့ ၇ ယောက်မြောက်ကလေးဖြစ်ပါတယ်။ အရင်အပတ်ကလည်း ၅ နှစ်သာလေး ကားထဲမှာရှိတာကိုမေ့ပြီး ထားခဲ့တဲ့အမေကြောင့် ကလေးလေးတစ်ယောက် အပူချိန် 100°F အောက်မှာ သေခဲ့ရပါသေးတယ်။
သတင်း အရင်းအမြစ်៖ Metro