လွန်ခဲ့တဲ့ 2 ရက်လောက်က ဆိုရှယ်မီဒီယာမှာ ရေးပန်းစားခဲ့တဲ့ သတင်းတစ်ပုဒ်ကတော့ Binjin Couple မှာ ကလေးလေး ရတော့မယ်ဆိုတဲ့သတင်းဖြစ်ပါတယ်။ ဒါပေမယ့် Son Ye-jin ဟာသူမ ကိုယ်ဝန်ရနေပြီဆိုတဲ့သတင်းကို ဝမ်းသာအားရ ပြောပြတာလား ဒါမှမဟုတ် သူ့အကြောင်းအတင်း ပြောတာတွေကို တားဆီးဖို့အတွက် မလွှဲမရှောင်သာ ရွေးချယ်မှုဖြစ်တာလားဆိုတာကို မသိရပါဘူး။
Son Ye-jin ဟာ ဇွန်လ 27 ရက်နေ့က သူမရဲ့ ကိုယ်ဝန်သတင်းကို Instagram မှာ "ကျမတို့ဆီ ဘဝအသစ်လေးရောက်လာပြီ" ဆိုပြီး ကြေငြာခဲ့ပါတယ်။ သူမက “ကျွန်မ တကယ်ကို ကျေးဇူးတင်မိပေမယ့် သတိထားပြီးတော့ ကျွန်မပတ်ဝန်းကျင်က ဘယ်သူ့ကိုမှ မပြောရသေးပါဘူး။ ဒီသတင်းကို စောင့်မျှော်နေကြတဲ့ ပရိသတ်တွေနဲ့ ကျမပတ်ဝန်းကျင်က လူတွေဆီကို ချက်ချင်းသတင်းပေးချင်ပါတယ်။” လို့ပြောခဲ့ပြီး Son Ye-jin ဟာ သူမရဲ့ ကိုယ်ရေးကိုယ်တာနဲ့ပတ်သက်တဲ့ သတင်းတွေကို အများပြည်သူဆီ ဦးစွာဖော်ပြဖို့ ဆုံးဖြတ်ခဲ့ပါတယ်။
Son Ye-jin ဟာ အင်တာနက်သုံးစွဲသူတွေရဲ့ ထင်မြင်ချက်တွေကို အလွန်အကျွံ ခံစားခဲ့ရကတည်းက သတိထားနေပုံရပါတယ်။ မေလတုန်းကလည်း Son Ye-jin ဟာ အဖြူရောင်ဝတ်စုံဝတ်ထားရင်း အပန်းဖြေလမ်းလျှောက်နေတဲ့ ဓာတ်ပုံတစ်ပုံကို SNS အကောင့်မှာ တင်ခဲ့ပါတယ်။ ဓါတ်ပုံတင်ပြီး မကြာခင်မှာပဲ သူမရဲ့ ဗိုက်သားဟာ လုံးဝိုင်းပြီး ကြီးလာတယ်ဆိုပြီး အင်တာနက်သုံးစွဲသူအချို့က သံသယရှိနေကြပါတယ်။ အဲ့ဒီမှတ်ချက်တွေဟာ ကျယ်ကျယ်ပြန့်ပြန့် ပျံ့နှံ့သွားခဲ့ပြီး Son Ye-jin က အဲ့ဒီကောလာဟလတွေကို “အမှန်မဟုတ်” ကြောင်း အတည်ပြုခဲ့ပါတယ်။
နာမည်ကြီးသူတွေအပေါ် ချစ်ခြင်းမေတ္တာနှင့် စိတ်ဝင်စားမှုတွေကြောင့် အင်တာနက်သုံးစွဲသူများဟာ အတင်းအဖျင်းလွန်ကဲစွာပြောဆိုကြပြီး ကိုယ်ရေးကိုယ်တာ ပြဿနာများနဲ့ စိတ်ရှုပ်ထွေးစေခဲ့ပါတယ်။ သူတို့ရဲ့ကိုယ်ရေး ကိုယ်တာအကြောင်းတွေကို လျှို့ဝှက်ထားချင်ကြတဲ့ ကြယ်ပွင့်တွေနဲ့မတူဘဲ Son Ye-jin ဟာ ပရိသတ်တွေနဲ့ လူအများနဲ့ မကြာခဏဆိုသလို ဆက်သွယ်ပြောဆိုလေ့ရှိပါတယ်။
ပြီးတော့လည်း Son Ye-jin ဟာ သူမရဲ့ အချစ်ရေးနဲ့ အိမ်ထောင်ရေးကို စောစီးစွာ ကြေငြာခြင်းဖြင့် လူအများရဲ့ သိချင်စိတ်ကို အမြန်ဖြေရှင်းခဲ့ပါတယ်။
သူမရဲ့ မင်္ဂလာပွဲကို လုံခြုံရေးတင်းကျပ်စွာ သီးသန့်ကျင်းပခဲ့ပေမယ့် ပရိသတ်တွေရဲ့စိတ်ပျက်မှုကို သက်သာစေဖို့အတွက် သူ့ရဲ့အေဂျင်စီရဲ့ ချန်နယ်ကနေတစ်ဆင့် မင်္ဂလာဓာတ်ပုံတွေကို ထုတ်ပြန်ပေးခဲ့ပါတယ်။ Son Ye-jin ဟာ အမြဲတမ်း လူသိရှင်ကြား အသိပေးသင့်တယ်လို့ ထင်တာမှန်သမျှ အသိပေးခဲ့ပေမယ့် လူအများက သူမရဲ့ ကိုယ်ပိုင်ဘဝကို ဆက်လက်စွက်ဖက်နေခဲ့ပါတယ်။
ဘယ်လောက်ပဲ ပွင့်ပွင့်လင်းလင်းဖြစ်နေပါစေ သူတို့ရဲ့ လျှို့ဝှက်ချက်တွေကို အတင်းအကြပ် တူးဆွတာကို ဘယ်သူမှ မလိုလားပါဘူး။ ကြယ်ပွင့်များအပေါ် ပရိသတ်တွေရဲ့ စိတ်ဝင်စားမှုနှင့် ချစ်ခြင်းမေတ္တာကို တားဆီး၍မရနိုင်ပေမယ့်လည်း ပရိသတ်များနဲ့ အင်တာနက်အသုံးပြုသူများဟာ အခြေအမြစ်မရှိတဲ့ ကောလာဟလတွေ ဖန်တီးခြင်းနဲ့ သူတို့ရဲ့ကိုယ်ရေးကိုယ်တာတွေမှာ အလွန်အကျွံဝင်ရောက်စွက်ဖက်ခြင်းမှ ရှောင်ကြဉ်ဖို့တော့ လိုအပ်ပါတယ်။
Photos_credit
သတင်း အရင်းအမြစ်៖ KBIZoom
Bong I.T