အာဂျင်တီးနား ဂန္တဝင်ဘောလုံးကစားသမားကြီး မာရာဒိုနာ ကို ဆေးကုသပေးခဲ့တဲ့ ဆရာဝန်နဲ့ သူနာပြု (၈) ဦး နဲ့အတူ စိတ်ရောဂါ အထူးကု ဆရာဝန်တစ်ဦး တို့ဟာ လူသတ်မှုနဲ့ စွဲချက်တင်ခံထားရပြီဖြစ်တယ်လို့ သိရပါတယ်။ (၁၉၈၆) ခုနှစ် က အာဂျင်တီးနားအသင်းရဲ့ အသင်းခေါင်းဆောင် အဖြစ်တာဝန်ယူခဲ့တဲ့ မာရာဒိုနာ ဟာ အသက်(၆၀)အရွယ် (၂၀၂၀) ခုနှစ် နိုဝင်ဘာလ က ကွယ်လွန်သွားခဲ့ပါတယ်။
မာရာဒိုနာ ဟာ ကွယ်မလွန်ခင်က ဦးနှောက်သွေးခဲမှုအတွက် ခွဲစိတ်မှုခံယူခဲ့ပေမယ့် နှလုံးရောဂါဖောက်လာတဲ့အတွက်ကြောင့် ကွယ်လွန်သွားခဲ့တာဖြစ်ပါတယ်။ နှစ်နှစ်ကြာသွားခဲ့ပြီးမှ မာရာဒိုနာ ကို ဆေးကုသပေးခဲ့တဲ့ ဆရာဝန် နဲ့ သူနာပြု (၈)ဦး ၊ စိတ်ရောဂါကုဆရာဝန်တစ်ဦး တို့ဟာ လတ်တလောမှာ လူသတ်မှု နဲ့ တရားစွဲခံထိထားတာဖြစ်တယ်လို့ သိရပါတယ်။
ဘာကြောင့်တရားစွဲခံရသလဲဆိုရင်တော့ မာရာဒိုနာ ရဲ့ သေဆုံးမှု ဟာ သူ့ကို ပေါ့ဆစွာ ဆေးကုသပေးခဲ့ပြီး ဂရုမစိုက်တဲ့သူတွေကြောင့်ဖြစ်တယ်လို့ အာဂျင်တီးနားအစိုးရရှေ့နေတွေက ပြောပြလာလို့ပဲဖြစ်ပါတယ်။ မာရာဒိုနာ သေဆုံးရခြင်းဟာ ရည်ရွယ်ချက်ရှိရှိကို သေဆုံးအောင်ပြုလုပ်ခဲ့တာကြောင့်ဖြစ်တယ်လို့လည်း ၎င်း ရှေ့နေတွေကပြောကြားခဲ့ပြီး ဒီစွဲချက်ကြောင့် ထောင်ဒဏ် အနည်းဆုံး (၈)နှစ်မှ (၂၅)နှစ်အထိ ကျခံရနိုင်တယ်လို့လည်းသိရပါတယ်။