ဒီကနေ့ ဇွန်လ ၂၄ ရက်နေ့မှာတော့ လီယွန်နယ် မက်ဆီရဲ့ အသက် ၃၅ နှစ်ပြည့် မွေးနေ့ရက်မြတ်လေးကျရောက်ခဲ့ပြီ ။ တစ်ကမ္ဘာလုံးက အမာခံပရိသတ်တွေကတော့ မက်ဆီ ရဲ့ မွေးနေ့အတွက် ဂုဏ်ပြုဆုတောင်းပေးကြသလို အချို့ဆိုရင် သူ့အတွက်ရည်ရွယ်ပြီး မွေးနေ့ပွဲတွေတောင်ပြုလုပ်ပေးကြပါတယ်။ မက်ဆီ ရဲ့ မွေးနေ့ ဂုဏ်ပြုတဲ့ ပရိသတ်တွေထဲမှာ ဘင်္ဂလားဒေ့ရှ်နိုင်ငံက ဆိုက်တွဲဆရာကြီးလည်း ပါဝင်ပါတယ်။
ဆိုက်တွဲဆရာကြီး အဘူတဟာ လီယွန်နယ် မက်ဆီရဲ့မွေးနေ့မှာ ဂုဏ်ပြုတဲ့ အနေနဲ့ အာဂျင်တီးနား နှင့် မက်ဆီပရိတ်သတ်မှန်သမျှကို အခမဲ့ စီးနင်းခွင့်ပေးနေတာ ဖြစ်ပါတယ်။ အဘူတဟာ တစ်နေ့လုပ်မှ တစ်နေ့စားဖြစ်ပြီး ဘဝအတွက် ခက်ခက်ခဲခဲ ရုန်းကန်နေရပေမယ့် မက်ဆီနှင့်အာဂျင်တီးနားအသင်းအပေါ် ချစ်ခြင်းမေတ္တာတွေကို သူ့ရဲ့ ခက်ခဲတဲ့ဘဝအခြေအနေက တားဆီးလို့ မရနိုင်ခဲ့ပါဘူး ။
မက်ဆီရဲ့မွေးနေ့မှာ လက်လုပ်လက်စား ဆိုက်တွဲသမားတစ်ဦးရဲ့ ယခုလို လေးစားစရာ လုပ်ရက်လေးကြောင့် သတင်းဗီဒီယာ များကလည်း အရေးတယူ ဖော်ပြပေးကြပါတယ်။ ဆိုက်တွဲဆရာကြီးရဲ့ အင်တာဗျူတစ်ခုမှာတော့ " ကျွန်တော့် ဖြစ်ချင်တဲ့ ဆန္ဒတစ်ခုက မက်ဆီကစားတာကို အပြင်မှာမြင်ဖူးချင်ပါတယ်....ကျွန်တော့်မှာသာပိုင်ဆိုင်များရှိခဲ့ရင် မက်ဆီကိုတစ်ကြိမ်လောက်ဖြစ်ဖြစ် တွေ့ခွင့်ရဖို့ ကြိုးစားမှာ ဒါပေမယ့် အခုအခြေအနေက ကျွန်တော်မှာ ဘာမှမတတ်နိုင်ဘူးဆိုတော့ဗျာ... မက်ဆီကို ကမ္ဘာ့ဖလားရစေချင်ပါတယ် "လို့ ပြေကြားခဲ့ပါတယ်။ ဒီကနေ့ ကျရောက်တဲ့ မက်ဆီရဲ့ မွေးနေ့မှာ ပရိသတ်တွေက အမှတ်တရ ဂုဏ်ပြုခဲ့တာများရှိရင် ပြောပြပေးခဲ့ပါဦး.....။
သတင်း အရင်းအမြစ်៖ Source - Penaldo Penaldy