မြန်မာလက်ရွေးစင် ဘောလုံးကစားသမားတစ်ယောက်ဖြစ်တဲ့ ချင်းတိုင်းရင်းသား ဆွန်လမ်းမာန်ကို ပရိသတ်တွေ သိကြမယ်လို့ ထင်ပါတယ်။ ဆွန်လမ်းမာန်ဟာ ၂၀၁၀ ခုနှစ်လောက်ကတည်းက ကျင်းပပြုလုပ်ခဲ့တဲ့ Myanmar National League ပြိုင်ပွဲတွေမှာ ဇွဲကပင်ယူနိုက်တက်၊ ချင်းယူနိုက်တက် ၊ ရန်ကုန်ယူနိုက်တက် နှင့် ရှမ်းယူနိုက်တက်အသင်း စတဲ့အသင်း တွေမှာ ပါဝင်ကစားခဲ့ပြီး ထူးချွန်တဲ့ ကစားသမားတစ်ယောက်ဖြစ်တာကြောင့် နိုင်ငံ့ကိုယ်စားပြု လက်ရွေးစင်အသင်းမှာလည်း ရွေးချယ်ခြင်းခံရပြီး ပါဝင်ယှဉ်ပြိုင်ခွင့်ရရှိသူပဲ ဖြစ်ပါတယ်။
ဒါပေမယ့် ၂၀၂၀ / ၂၁ ခုနှစ်ကနေ စတင်ပြီး ဆွန်လမ်းမာန်ဟာ ထိုင်းကလပ်အသင်းတွေမှာ ကြေးစားကစားသမားဘဝအဖြင့် ပြောင်းရွှေ့ကစားခဲ့တာ ဖြစ်ပါတယ်။ သူပြောင်းရွှေ့ ကစားချိန်မှာလည်း ၂၀၂၀ ခုနစ်ကနေ ၂၀၂၂ ခုနစ်အထိကို Muangkan Unite ၊ Trat FC ၊ Ranong Unite ၊ Navy FC Sattahip စတဲ့ ကလပ်အသင်းတွေမှာ ကစားခဲ့တာ ဖြစ်ပါတယ်။ ယခုမှာတော့ ဆွန်လမ်းမာန်က သူ့ရဲ့ လူမှုကွန်ယက်မှာ မိတ်ဆွေသူငယ်ချင်းများနှင့် အားပေးတဲ့ ဘောလုံးပရိသတ်တွေကို မင်္ဂလာသတင်းလေးတစ်ခု ဖော်ပြလာခဲ့ပါတယ်။
ဒါကတော့ မြန်မာလက်ရွေးစင်ဘောလုံးသမား ဆွန်လမ်းမာန်ဟာ ဇွန်လ ၂၂ ရက်နေ့မှာ အိမ်ထောင်ပြုတော့မယ့် အကြောင်းကို ဖော်ပြခဲ့တာ ဖြစ်ပါတယ်။ သူ့ရဲ့ လူမှုကွန်ယက်မှာတော့ "Online ပေါ်ရှိ ရပ်နီးရပ်ဝေးမှ ခင်မင်ရင်းနှီးရတဲ့ သူငယ်ချင်းမိတ်ဆွေများ ကျွန်တော်/မ တို့ရဲ့လက်ထပ်ထိမ်းမြားပွဲကို အောက်ဖော်ပြပါအစီအစဉ် အတိုင်း ပြုလုပ်သွားမည်ဖြစ်သည့်အတွက် ကြွရောက်ချီးမြင့်ပေးနိုင်ပါရန် လေးစားစွာ အသိပေးဖိတ်ကြားအပ်ပါသည်"ဟု ဆိုကာ ရေးသားဖော်ပြထားတာ တွေ့ရပါတယ်။ ဒါ့အပြင် ချစ်စရာဇနီးလောင်းနဲ့အတူ ရိုက်ကူးထားတဲ့ မင်္ဂလာရှိတဲ့ ပုံရိပ်လေးတွေကိုလည်း ဖော်ပြထားခဲ့ပါတယ်။ ကဲ ပရိသတ်တွေကလည်း မကြာခင်မှာ အိမ်ထောင်ပြုတော့ ဆွန်လမ်းမာန်ကို မင်္ဂလာရှိတဲ့ စကားလေးတွေ ချီးမြေှာက်ပေးခဲ့ပါဦးနော်...။
သတင်း အရင်းအမြစ်៖ Source - Suan Lam Mang