ကာတာနိုင်ငံမှာ ကျင်းပနေတဲ့ ပြိုင်ပွဲအတွင်း One-night stand (တစ်ညတာအတွက်ပဲ အတူနေသူ) ရှိမယ်ဆိုရင် ထောင်ဒဏ် ခုနစ်နှစ်အထိ ကျခံရနိုင်တယ်လို့ ကမ္ဘာ့ဖလားပရိသတ်တွေကို သတိပေးထားပါတယ်။ အိမ်ထောင်မပြုဘဲ လိင်ဆက်ဆံခြင်းဟာ မွတ်စလင်အများစု နေထိုင်တဲ့ နိုင်ငံမှာဆိုရင် ဘယ်လိုအခြေအနေမျိုးမှာဖြစ်ဖြစ် ဘယ်သူကိုမှ ခွင့်ပြုထားခြင်းမရှိသလို တရားလည်းမဝင်ပါဘူး။ ရဲတစ်ယောက်က " လင်မယားမဟုတ်ပဲနဲ့ လိင်ဆက်ဆံဖို့ဆိုတာ ဘယ်လိုမှမဖြစ်နိုင်ပါဘူး။ ဒါကြောင့်ပဲ ကမ္ဘာ့ဖလား ပြိုင်ပွဲကာလအတွင်းမှာ One-night stand ရှိခွင့် မရှိပါဘူး။ "
" ဘာ ပါတီပွဲမှာလည်း ရှိနေမှာမဟုတ်ပါဘူး။ ထောင်ထဲပိ၎င်း၏မရောက်ခြင်ရင်တော့ လူတိုင်းက ကိုယ့်ကိုထိန်းသိမ်းဖို့တော့ လိုပါမယ်။ ယခုနှစ်ကမ္ဘာ့ဖလားပြိုင်ပွဲမှာ လိင်ပိုင်းဆိုင်ရာနဲ့ပတ်သက်ပြီး ပိတ်ပင်မှုမှာ ပထမဆုံးအကြိမ်ဖြစ်ပါတယ်။ ပရိသတ်တွေလည်း ပြင်ဆင်ထားဖို့ လိုအပ်ပါတယ်။ " လို့ပြောခဲ့ပါတယ်။ လိင်တူဆက်ဆံခြင်းဟာလည်း ကာတာတွင် တရားမဝင်ဖြစ်ပြီး ထောင်ဒဏ်ကျခံရနိုင်ပါတယ်။
အိမ်ထောင်မပြုရသေးတဲ့ အမျိုးသားနှင့် အမျိုးသမီးတစ်ဦးဟာ အတူတူနေမယ်ဆိုရင် အဖမ်းခံရနိုင်ပါတယ်။ ပွဲပြီးလို့ အရက်သောက်တာ ပါတီလုပ်တာဟာလည်း တင်းကျပ်စွာ တားမြစ်ထားပါတယ်။ သက်တံရောင်အလံ လွှင့်ခွင့်လည်း မရှိပါဘူး။ ဒါကြောင့် ကာတာမှာ ပြုလုပ်ကျင်းပမယ့် ကမ္ဘာ့ဖလားပြိုင်ပွဲကို ကြည့်ရှူဖို့ ခရီးသွားမယ်ဆိုရင် နောက်ဆုံးရသတင်းတွေနဲ့ စည်းကမ်းချက်များကို လေ့လာဖတ်ရှူဖို့ သက်ဆိုင်ရာ ဌာနက အသိပေးထားပါတယ်။
သတင်း အရင်းအမြစ်៖ The Mirror
Bong I.T