ပင်လယ်မြင်း (သို့မဟုတ်) ကျွန်တော်တို့ မြန်မာနိုင်ငံမှာ ခေါ်ကြတဲ့ ရေ နင်္ဂါး သတ္တဝါလေးတွေကို သင်မြင်တွေ့ဖူးမယ်လို့ ထင်ပါတယ်။ ရေနင်္ဂါးတွေဟာ အခြားသတ္တဝါတွေနဲ့ မတူဘဲ ထူးထူးခြားခြား ပုံမှန်မဟုတ်တဲ့ နည်းလမ်းဖြင့် မျိုးပွားကြပါတယ်။
ပြောရရင်တော့ အထီးတွေက မျိုးပွားမှုအတွက် ကိုယ်ဝန်ဆောင်ပေးရပါတယ်။ ဘာကြောင့် အထီးတွေက ကိုယ်ဝန်ဆောင်တာလဲလို့ သင့်အနေနဲ့ ခေါင်းစားသွားမယ်ဆိုတာ သေချာပါတယ်။
ဆိုလိုတာက ရေနင်္ဂါးအထီးတွေက အမများရဲ့ မျိုးဥတွေကို ယူပြီး သူတို့ ခန္ဓာကိုယ်မှာပါတဲ့ သားပေါက်အိတ်တစ်ခုထဲကို ထည့်ထားကြပြီး ကိုယ်ဝန်ဆောင်ပေးရတဲ့ သဘောပါ။
အဆိုပါ သားပေါက်အိမ်ကို ovipositor လို့ ခေါ်ပြီး သူကပြွန်ပေါက်တစ်ခုလို ရှည်လျားတဲ့ အနေအထားရှိပါတယ်။ရေနင်္ဂါးထီးတွေ ကိုယ်ဝန်ဆောင်ထားတဲ့ သန္ဓေသားလောင်းများက မျိုးစိတ်နှင့် ရေအခြေအနေပေါ်မူတည်ပြီး (၁၀) ရက်မှ (၆) ပတ်အထိ ကြီးထွားလာကြပါတယ်။
နောက်ထပ် အံ့အားသင့်စရာ တစ်ခုက အထီးတွေက သူတို့ရဲ့ သားလောင်းလေးတွေ မမြင်သ၍ သူတို့ ရဲ့ အမြီးတေးကို ကုပ်ကွေးထားကြတာဖြစ်ပါတယ်။သန္ဓေသားလောင်းများပေါက်ဖွားဖို့ အဆင်သစ်ဖြစ်လာတဲ့ အခါမှာ အထီးတွေက သားပေါက်လေးကို အိတ်ထဲကနေ ထုတ်ထုတ်ဖို့အတွက် သူ့ရဲ့ကြွက်သားတွေကို ကျုံ့ပေးရပါတယ်။
သန္ဓေသားလောင်းများပေါက်ဖွားလာရင်လည်း သူတို့ရဲ့ မိဘများကို တွယ်ကပ်နေခြင်းမရှိဘဲ အမှီခိုကင်းကင်းနေကြပါတယ်။ဒါပေမယ့် တစ်ခါတရံမှာ ရေ နင်္ဂါးအချို့အထီးတွေက သူတို့ မျိုးဥတွေကို ပြန်လည်စားဖို့ ကြိုးစားကြပါတယ်။ ဒါကလည်း ရေ နင်္ဂါးအထီးတိုင်းတော့ မဟုတ်ပါဘူးလို့ ထင်ပါတယ်။ သင့်အနေနဲ့လည်း ရေနင်္ဂါးတွေနဲ့ ပတ်သက်ပြီး သိထားတာရှိရင် ပြောပေးခဲ့ပါဦး။