ခြင်္သေ့တွေဟာ ကြောင်ကြီးတွေဆိုတာ သင်သိမှာပါ။ မသိဘူးဆိုလည်း ဘာမှမဖြစ်ပါဘူး။ ကျား၊ခြင်္သေ့၊ ကျားသစ် စတာတွေအပါအဝင် ကြောင်ပုံစံရှိတဲ့ တိရစ္ဆာန်တွေဟာ ကြောင်ကြီးမျိုးနွယ်တွေပါပဲ။ ခုတော့ကြောင်ကြီးမျိုးနွယ်ထဲက တောဘုရင်ဖြစ်တဲ့ ခြင်္သေ့ကြီးနဲ့ပတ်သက်တဲ့ အချက် တချို့ကိုဖော်ပြပေးလိုက်ပါတယ်။
၁။ ခြင်္သေ့ရဲ့ ဟိန်းသံဟာ ၅ မိုင်အကွာကနေ ကြားနိုင်ပါတယ်။
ခြင်္သေ့ဟိန်းသံဟာ ကြောင်ကြီးမျိုးနွယ်ထဲမှာ အကျယ်ဆုံးဖြစ်ပါတယ်။ သူတို့တွေဒီလောက်ကျယ်အောင် ဟိန်းရတာ ပင်ပန်းမယ်လို့ထင်ရင်တော့ မှားသွားပါမယ်။ အကြောင်းကတော့ သူတို့တွေဟာ လူတွေအသံကျယ်အော်ရင် အားညစ်အော်ရသလို မဟုတ်တာကြောင့်ပါပဲ။ ဒါကြောင့် သူတို့ဟာ ဟိန်းတဲ့အခါတိုင်း မပင်ပန်းပါဘူး။
၂။ ခြင်္သေ့ထီးတွေဟာ တစ်နေ့ကို အသား ၄၀ ကီလိုဂရမ်ကျော်ထိ စားနိုင်ပါတယ်။
တစ်နေ့ကို ခြင်္သေ့မတွေဟာ အသား ၅ ကီလိုဂရမ်လောက်ပဲစားပြီး ခြင်္သေ့ထီးတွေကတော့ အသား ၇ ကီလိုဂရမ်စားရပါတယ်။ ဒါပေမယ့်လည်း ခြင်္သေ့ထီးတွေဟာ တစ်ခါထိုင်စားရင် ၄၀ ကီလိုဂရမ်ထိ စားနိုင်ပါတယ်။
၃။ ခြင်္သေ့တွေဟာ တစ်နာရီ မိုင် ၅၀ ပြေးနိုင်ပါတယ်။
ခြင်္သေ့တွေဟာ ကျားသစ်တွေပြီးရင် တစ်နာရီ မိုင် ၅၀ နှုန်းနဲ့ အမြန်ဆုံးပြေးနိုင်တဲ့ တောရိုင်းကြောင်တွေဖြစ်ပါတယ်။
၄။ ခြင်္သေ့ရဲ့လည်ဆံက ပိုမည်းလေ၊ အသက်ကြီးလေပါပဲ။
ခြင်္သေ့ရဲ့ အသက်ကို ခန့်မှန်းနိုင်တဲ့ အလွယ်ဆုံးနည်းကတော့ လည်ဆံမွှေးကို ကြည့်တာပါပဲ။ သူတို့လည်ဆံမွှေးကပိုမည်းလေ ပိုအသက်ကြီးလေပါပဲ။ အဲ့အပြင် လည်ဆံမွှေးမဲလေ ခြင်္သေ့မတွေကို ပိုဆွဲဆောင်နိုင်လေပါပဲ။
၅။ ခြင်္သေ့တွေဟာ အမြှီးထိပ်မှာ အမွှေးစုတဲ့ တစ်မျိုးတည်းသော ကြောင်မျိုးနွယ် ဖြစ်ပါတယ်။
ခြင်္သေ့တွေဟာ အမြှီးထိပ်မှာ အမွှေးစုနေတဲ့ တစ်မျိုးတည်းသော ကြောင်မျိုးနွယ်ပါ။ တခြားကြောင်တွေအဲ့လိုအမြှီးရှိနေရင်တော့ ဒါဟာ ဖက်ရှင်းသဘောပြုလုပ်ထားကြတာဖြစ်ပါတယ်။
၆။ ကမ္ဘာ့အသက်အကြီးဆုံး ခြင်္သေ့အဖြစ် မှတ်တမ်းတင်ထားခဲ့တဲ့ ခြင်္သေ့ဟာ အသက် ၂၉ နှစ်ပါ။
ခြင်္သေ့တစ်ကောင်ရဲ့ ပုံမှန်အသက် သက်တမ်းဟာ ၁၃ နှစ်ဖြစ်ပါတယ်။ သူတို့မှာ အမဲလိုက်နိုင်ဖို့ ခွန်အားတွေ အစွမ်းတွေမရှိတော့ရင်တောင်မှ အသက်ရှည်စွာနေနိုင်ပါတယ်။ ကမ္ဘာ့အသက်အကြီးဆုံး ခြင်္သေ့ကတော့ အသက် ၂၉ နှစ်နီးပါးပါပဲ။
၇။ ခြင်္သေ့တစ်ကောင်ရဲ့ ညဘက်အမြင်ဟာ သင့်ထက် ၆ ဆ ပိုများပါတယ်။
မနက်ပိုင်းတွေမှာတော့ ခြင်္သေ့တွေဟာ လူတွေထက် အရောင် နည်းစွာ မြင်ပြီး ညဘက်မှာတော့ သူတို့ရဲ့ ပုံမှန်မျက်လုံးအတိုင်း မြင်ရပါတော့တယ်။ သူတို့မျက်လုံးတွေဟာ အတက်နိုင်ဆုံး အရောင်ပြန်ပေးနိုင်ပါသေးတယ်။