အလွန်ကြီးမားတဲ့ Harpy Eagle လင်းယုန်တွေကို လူတွေက ငှက်ဝတ်စုံကို ဝတ်စားဆင်ယင်ထားတာလို့ အချို့က ယနေ့အချိန်ထိ တွေးကောင်းတွေးဖူးကြမှာပါ။ သူ့ပုံစံကလည်း လူဝင်ထားတဲ့အတိုင်းတူတာမှန်ပေမယ့် တကယ့် ငှက်တစ်ကောင်အစစ်ပါ။
ဒီလင်းယုန်ငှက်ကို Harpia harpyja လို့လည်း ခေါ်ကြသလို တခါတရံ Papuan လင်းယုန်နှင့် ခွဲခြားပြီး အမေရိကန် လင်းယုန်ငှက်လို့လည်း ခေါ်ဆိုကြပါတယ်။သူဟာ neotropical လို့ခေါ်တဲ့ လင်းယုန်မျိုးစိတ်ဖြစ်ပြီး သူ့ရဲ့ ကြီးမားလှတဲ့ အတောင်ပံနှင့် ခမ်းနားထည်ဝါမှုတွေကြောင့် ပိုမိုလူသိများခဲ့တာ ဖြစ်ပါတယ်။
Harpia harpyja လင်းယုန်ငှက်တွေဟာ ကမ္ဘာပေါ်ဆုံး အကြီးဆုံးနှင့် အစွမ်းထက်ဆုံးပါ။ သူတို့ရဲ့ အတောင်ပံက ၇ ပေနှင့် ၄ လက်မ (၂၂၄ စင်တီမီတာ အထိရှည်လျာပါတယ်။ ဒါပေမယ့် သူတို့ရဲ့ ကိုယ်အလေးချိန်က ၈.၅-၂၀ ပေါင်ပဲရှိပါတယ်။
ဒါကြောင့် ကောင်းကင်မှာ အလျင်အမြန် ပျံသန်းနိုင်တာဖြစ်ပြီး သားကောင်ကို အမဲလိုက်ရာမှာလည်း အချိန်ခဏလေးမှာ ဖမ်းယူစားသောက်နိုင်ကြတာပါ။သူတို့ရဲ့ သားကောင်တွေအဖြစ် မျောက်များ ၊ သမင်များ ၊ ငှက် ၊မြွေနှင့် အိမ်မြှောင်တွေကို ဖမ်းယူစားသောက်ကြတာဖြစ်ပါတယ်။
သူတို့ဟာ အများအားဖြင့် အပူပိုင်းမြေနိမ့်ပိုင်း မိုးသစ်တောများ ၊အပေါ်ပိုင်း မြက်ခင်းပြင်တွေမှာ နေထိုင်ကျက်စားကြတာပါ။
သူတို့ကို တွေ့ရတာကတော့ မက္ကဆီကို၊ ဘရာဇီး နှင့် အာဂျင်တီးနား (မြောက်ဘက်)ဒေသတွေမှာ တွေ့ရပြီး သဘာဝတရားကြီးရဲ့ဆုတ်ယုတ်လာမှုကြောင့် တဖြည်းဖြည်းနဲ့ ကမ္ဘာပေါ်မှာ မျိုးသုဥ်းပြီး ရှာပါးလာခဲ့ကြတာ ဖြစ်ပါတယ်။