ကမ္ဘာပေါ်မှာ အသက်အကြီးဆုံး တိရစ္ဆာန်တွေကို သင်တွေ့ဖူးကြရလား ။ ကျွန်တော်တို့ နေထိုင်တဲ့ လူ့ပတ်ဝန်းကျင်မှာ လူတွေရဲ့ အသက်နီးပါး ရှိတဲ့ တိရစ္ဆာန်တွေရှိကြပါတယ်။ ဒီလိုအသက်ကြီးတဲ့ တိရစ္ဆာန်တွေထဲမှာ တောင်အာဖရိကမှာရှိတဲ့ မိကျောင်းတစ်ကောင်ကတော့ ကမ္ဘာပေါ်မှာ အသက်ကြီးဆုံးလို့ ပြောလို့ရပါမယ်။
သူကိုတော့ " ဟင်နရီ" လို့ခေါ်ကြပြီး အသက်အားဖြင့် ၁၂၂ နှစ်ရှိသွားပြီဖြစ်ပါတယ်။သူဟာ အခြားမိကျောင်းအမ ၆ ကောင်နဲ့ အတူ နေထိုင်ခဲ့ပြီး လွန်ခဲ့တဲ့ ၃၂ နှစ် အတွင်းမှာ သူ့ရဲ့ မျိုးဆက်ပေါင်း ၁၀၀၀၀ ကျော်ကို မွေးဖွားခဲ့ပါတယ်။
၂၀၁၈ ခုနှစ် ဒီဇင်ဘာလ ၁၆ ရက်ကတော့ မှတ်မှတ်ရရ Crocworld Conservation Center မှ မိကျောင်းကြီး “ဟင်နရီ” ရဲ့ အသက် ၁၁၈ နှစ်ပြည့် မွေးနေ့ပွဲကို ကျင်းပပေးခဲ့ပါတယ်။ အဲ့ဒီတုန်းက လာရောက်ကျတဲ့ ဧည့်သည်များအတွက် အထူးမွေးနေ့အဖြစ် အစားစာများကျွေးမွေးခဲ့ကြပါတယ်။
မိကျောင်းကြီး “ဟင်နရီ" ဟာ အရှည် ၅ မီတာ နှင့် အလေးချိန် ၅၀၀ ကီလိုဂရမ်ရှိပြီး နိုင်းမြစ်မိကျောင်းကို ဖမ်းဆီးထိန်းသိမ်းရာမှာ အသက်အကြီးဆုံးအဖြစ် လူသိများခဲ့တာ ဖြစ်ပါတယ်။
သူဟာ ၁၉၈၅ ခုနှစ်က Crocworld ဥယာဉ်ကို ရောက်ရှိခဲ့ပြီး အဲ့ဒီတုန်းက သူ့အသက်ဟာ ၈၅ နှစ်ရှိပြီလို့ မှတ်တမ်းတွေမှာ ဖော်ပြထားပါတယ်။ အခုဆိုရင် မိကျောင်းကြီး “ဟင်နရီ" က ကမ္ဘာပေါ်မှာ အသက်အကြီးဆုံး တိရစ္ဆာဆန်အဖြစ် လူသိများခဲ့ပြီဖြစ်ပါတယ်။