ယခုနှစ်ကာလအတွင်းမှာ ရန်ကုန်တိုင်းအပါအဝင် အခြားမြို့တွေမှာ မီးလောင်မှုတွေ ပိုမိုဖြစ်ပွားလာတာ တွေ့ရပါတယ်။ ဒီကနေ့ အောက်တို့ဘာ (၁၅) ရက်နေ့မှာလည်း ရန်ကုန်တိုင်းအတွင်း ဆိုးဆိုးဝါးဝါး မီးလောင်မှုဖြစ်ပွားခဲ့ကြောင့် ထပ်မံကြားသိရပါတယ်။ ဒီတစ်ခါ မီးလောင်မှုဖြစ်ပွားခဲ့တာကတော့ သာကေတမြို့နယ်၊ စက်မှုလက်မှုရပ်ကွက်၊ မြမာလာလမ်းတွင်ရှိသော J-OO အထည်အလိပ်စက်ရုံမှာ ဖြစ်ပွားခဲ့တာ ဖြစ်ပါတယ်။
မြန်မာနိုင်ငံမီးသတ်အဖွဲ့ရဲ့ ထုတ်ပြန်ချက်မှာတော့ မနက် (၁)နာရီအချိန်မှာ (Level -1)ယာဥ်အုပ်ဖြင့် ထွက်ခွာငြှိမ်းသတ်ခဲ့ပြီး မီးလောင်ကျွမ်းမှု ပိုမိုကျယ်ပြန့်လာတာကြောင့် (၁)နာရီ (၂၀)မိနစ်နှင့် (၄)နာရီ(၈) မိနစ်လောက်တွေမှာ (Level - 2/3) ဖြင့် ထွက်ခွာငြှိမ်းသတ်ခဲ့ရပါတယ်။ မနက် (၆) နာရီ (၅) မိနစ်လောက်မှာ မီးထိန်းနိုင်ခဲ့ပြီး (၇)နာရီ (၁၀)မိနစ်မှာ မီးငြိမ်းသွားတယ်လို့ ထုတ်ပြန်ထားပါတယ်။
မီးလောင်ကျွမ်းမှုကြောင့် ပျက်စီးဆုံးရှုံးရတဲ့ တန်ဖိုးကို လက်ရှိအချိန်ထိ ဖော်ပြထားခြင်းမရှိသေမယ့် စက်ရုံတစ်ရုံလုံးနီးပါးလောက် ပျက်စီး သွားခဲ့တယ်လို့ သိရပါတယ်။ ပြည်သူတစ်ဦးရဲ့ ရိုက်ကူးထားတဲ့ ရုပ်သံဖိုင်အရ စက်ရုံအတွင်းမှာ မီးအားပြင်းတာကြောင့် မီးသတ်သမားတွေအတော်လေးကို ဂရုတစိုက်နဲ့ ငြှိမ်းသတ်ခဲ့ကြရတာ တွေ့ရပါတယ်။ အဆိုပါစက်ရုံရဲ့ အနီးပတ်ဝန်းကျင်မှာလည်း လူနေအိမ်အများအပြား ရှိတာကိုလည်း တွေ့ရပါတယ်။
သတင်း အရင်းအမြစ်៖ Source -MSFD/ Hein Khant Kyaw