ယခုလို နိုင်ငံရေးအဆင်မပြေဖြစ်တဲ့ကာလမှာ နိုင်ငံရေးနှင့်အတူ ပြည်သူများရဲ့ စီးပွာရေး အဆင်မပြေမှုများ များစွာဖြစ်လာခဲ့ကြပါတယ်။အချို့သော စီးပွားရေးလုပ်ငန်းများမှာလည်းရပ်နားလိုက်ရတဲ့အထိကို ထိခိုက်ဆုံးရှုံးမှုများစွာရှိခဲ့ပါတယ်။လူတန်းစားပေါင်းစုံအလွှာပေါင်းစုံဟာ စီးပွားရေးရဲ့ ရိုက်ခတ်မှုဒဏ်ကိုခံစားနေကြရပါတယ်။
အခြေခံလူတန်းစားများရဲ့ ဘဝမှာလည်း တစ်နေ့တစ်နေ့ပိုမိုခက်ခဲလာကြပြီး နေ့စဉ်ဝင်ငွေ ရရှိ ဖို့ကလည်း အင်မတန်ခက်ခဲလာကြတာဖြစ်ပါတယ်။ ဒါ့ကြောင့်မို့ အသက်အရွယ်မရွေး စားဝတ်နေရေးအတွက် အလုပ်များလုပ်ကိုင်လာကြရတာဖြစ်ပါတယ်။
ယခုလည်း ကျောက်မြောင်းမြို့နယ်ရှိ တာမွေယာယီဈေးမှာ အသက်(၉၀)အရွယ်ရှိ အဘွားတစ်ယောက်ဟာ ငှက်ပျောသီးရောင်းရင်းအသက်မွေးဝမ်းကြောင်းပြုနေခဲ့တာဖြစ်ပါတယ်။သူမဟာ နီးစပ်ရာမှာ ရှိတဲ့ ပြည်သူတစ်ဦးထံ အားပေးရန် အကူအညီတောင်းခံရာမှ ထိုပြည်သူက သူမရဲ့ Facebookစာမျက်နှာပေါ်မှာ ၎င်းအဘွားအား ဈေးဝယ်ခြင်းဖြင့်အားပေးကူညီရန် မေတ္တာရပ်ခံလာတာဖြစ်ပါတယ်။ထိုဘွားဘွား က အိမ်ကို စောစောပြန်ချင်သရွေ့ သူမအားဝယ်ပါဦးလို့လာမေးရာမှ သူမကစတင်သတိထားမိပြီး ဘွားဘွားအကြောင်းအားမေးမြန်းခဲ့ရာ ဘွားဘွားမှာ သားရှိခဲ့ပေမယ့် ထိုသားဟာ ဆုံးပါးသွားတာကြောင့်လက်ရှိမှာ သူမအနေနဲ့ဝမ်းရေးကို ကိုယ်တိုင်ရှာဖွေနေရတယ်လို့ ဝမ်းနည်းဖွယ်ဆိုလာပါတယ်။ဘွားဘွားကို တာမွေကျောက်မြောင်းဘက်မှာတွေ့ရင်လည်းဝိုင်းကူပေးကြဖို့ မေတ္တာရပ်ခံအပ်ပါတယ်နော်။