အသံပါဝါအားကောင်းစွာနဲ့ တစ်ချိန်တည်းမှာပဲ ချိုမြတဲ့ အသံ ပိုင်ရှင်လို့ဆိုလာရင်တော့ အဆိုတော်ချမ်းချမ်ူကိုပဲ ပရိတ်သတ်များက ရည်ညွန်းကြပါတယ်။သူမဟာ တေးသီချင်းများသီဆိုတဲ့ အခါ ပရိတ်သတ်ရင်ထဲထိမိပြီးစွဲထင်ကျန်နေအောင် ဆိုပြနိုင်တဲ့ အဆိုရှင်တစ်ဦးဖြစ်ပါတယ်။
သူမဟာ လက်ရှိမှာ နိုင်ငံခြားသားတစ်ဦးနှင့် လက်ထပ်ထားပြီး တခြားတိုင်းပြည်တစ်ခုမှာနေထိုင်နေတာပဲဖြစ်ပါတယ်။သို့ပေမယ့် သူမဟာ မြန်မာနိုင်ငံအရေးနှင့်ပတ်သက်လို့ တကယ်ကို တတ်စွမ်းသမျှကြိုးစားဆောင်ရွက်ပေးနေတဲ့ အနုပညာရှင်ဖြစ်ပါတယ်။
ယခုမှာလည်း သူမဟာ ယနေ့ အောက်တိုဘာ(၁၃)ရက်နေ့မှာကျရောက်တဲ့ အပြည်ပြည်ဆိုင်ရာဘေးအန္တရာယ်လျှော့ချရေးနေ့ ကမ်ပိန်းမှာ မြန်မာနိုင်ငံသားများနှင့်အတူ အတူတကွ ပါဝင်လှုပ်ရှားလာတာကိုတွေ့ရမှာဖြစ်ပါတယ်။သူမဟာ ဒီကမ်ပိန်းအတွက် မြန်မာနိုင်ငံကိုယ်စားပြု M စာလုံးပါဝင်တဲ့ တီရှပ်ကို ဝတ်ဆင်ခဲ့ပြီး သူမအနေနဲ့ အနှစ်နှစ်အလလက ဒုက္ခများ ခံစားခဲ့ကြရတဲ့ တိုင်းရင်းသားများအတွက်လည်းလွန်စွာစိတ်မကောင်းဖြစ်မိကြောင်းဖော်ပြခဲ့ပါသေးတယ်။