လက်မမြှောက်နိုင်တဲ့ လူနာတစ်ယောက်ကို သက်သာပျောက်ကင်းသွားအောင် ကုသနိုင်ခဲ့လို့ ဝမ်းသာပီတိဖြစ်ကာ ပြောပြလာခဲ့တဲ့ ထူးခန့်ကျော်

အနုပညာအလုပ်တွေကို ဆယ်စုနီးပါးလောက် လုပ်ကိုင်လာခဲ့ပြီး ကျရာဇာတ်ရုပ်တွေကို သဘာဝကျကျ ပီပြင်အောင် သရုပ်ဆောင်နိုင်တဲ့ ထူးခန့်ကျော်ကတော့ ပရိသတ်တွေရဲ့ ရင်ထဲမှာ ယနေ့တိုင်ရပ်တည်နေခဲ့ပါတယ်။ လက်ရှိမှာတော့ အနုပညာအလုပ်တွေအပြင် သူတတ်မြောက်ထားတဲ့ မြန်မာ့ရိုးရာဆေးပညာနဲ့ အရိုအကြောဝေဒနာခံစားရတဲ့ သူတွေကို အခမဲ့ ကုသပေးနေတာ ဖြစ်ပါတယ်။

သူကုသပေးလိုက်တဲ့ လူနာတွေကလည်း သိသိသာသာ ပျောက်ကင်းသွားခဲ့တာကြောင့် နောက်ထပ် လာရောက်ကုသသူတွေ များပြားခဲ့လာကြတာ တွေ့ရပါတယ်။ စိတ်ရင်း စေတနာအပြည့်နဲ့ ကုသပေးရင်း ပျောင်ကင်းသွားရင်လည်း ဝမ်းသာပီတိဖြစ်ပြီး ပရိသတ်တွေကို မကြာခဏရေးသားဖော်ပြလေ့ရှိတာ တွေ့ရပါတယ်။ ယခုမှာ ထူးခန့်ကျော်က ဆေးကုပေးလိုက်တဲ့ လူနာတစ်ယောက် သက်သာပျောက်ကင်းသွားခဲ့လို့ ဝမ်းသာပီတိဖြစ်ပြီး ထပ်မံဖော်ပြလာတာ တွေ့ရပါတယ်။

ဒီတစ်ခါ ပျောက်ကင်းသက်သာသွားတဲ့ လူနာကတော့ သန်လျှင်မြို့ကနေ လာရောက်ကုသတာဖြစ်ပြီး လက်မမြှောက်နိုင်တဲ့အခြေအနေကို ကြုံတွေ့နေရတဲ့သူပဲ ဖြစ်ပါတယ်။ ထူးခန့်ကျော်ဆီလာရောက်ကုသချိန်မှာတော့ မမြှောက်နိုင်တဲ့ လက်နှစ်ဖက်ဟာ သက်သာပျောက်ကင်းခဲ့ပြီ ဖြစ်ပါတယ်။ လက်နှစ်ဖက်သက်သာ ပျောက်ကင်းသွားလို့ ပျော်ရွှင်နေတဲ့ လူနာကိုကြည့်ရင်း တစ်နေ့တာပင်ပန်းသမျှ အမောများပြေခဲ့ရကြောင်းလည်း ထူးခန့်ကျော်က ဆိုထားပါတယ်။

သတင်း အရင်းအမြစ်៖ Source - Htoo Khant Kyaw