အမျိုးသားဖြစ်သူနှင့် ကွာရှင်းဖို့အထိ လုပ်ပြီးတဲ့နောက်မှာ ဒုတိယကိုယ်ဝန်ရှိလာတဲ့ တောင်ကိုရီးယား သရုပ်ဆောင်မင်းသမီး Hwang Jung Eum

တောင်ကိုရီးယားနာမည်ကြီးသရုပ်ဆောင်မင်းသမီး Hwang Jung Eum ဟာဆိုရင် ဒုတိယကလေးလေး ကိုယ်ဝန်လွယ်ထားရပြီပဲ ဖြစ်ပါတယ်။ ယနေ့ အောက်တိုဘာလ ၁၂ ရက်နေ့မှာ သူမရဲ့ အေဂျင်စီဖြစ်တဲ့ C-jeS Entertainment က -

“မင်းသမီးကို စစ်ဆေးကြည့်လိုက်တဲ့အချိန်မှာ သူမမှာလက်ရှိကိုယ်ဝန်ရှိနေပါပြီ။ နောက်နှစ်မှာဖွားမြင်ဖို့ ရာထားပါတယ်။” လို့ အတည်ပြုပြောကြားပေးထားပါတယ်။

မင်းသမီး Hwang Jung Eun ရဲ့ အမျိုးသား Lee Young Don ဟာ ဂေါက်ရိုက်ကစားသမားဟောင်း ဖြစ်ပြီး လက်ရှိမှာတော့ စီးပွားရေးလုပ်ငန်းလုပ်ကိုင်နေတဲ့သူဖြစ်ပါတယ်။ သူတို့ဟာ ၂၀၁၆ ခုနှစ်တုန်းက လက်ထပ်ခဲ့ကြပြီး ၂၀၁၇ ခုနှစ်မှာ ကလေးလေး တစ်ယောက် မွေးဖွားခဲ့ပါတယ်။

မင်းသမီး Hwang Jung Eun ဟာ စက်တင်ဘာလ ၂၀၂၀ ခုနှစ်မှာ သူမအမျိုးသားဖြစ်သူ Lee Young Don နှင့် ကွာရှင်းဖို့ အဆိုတင်သွင်းခဲ့ပြီး ၂၀၂၁ ခုနှစ် ဇူလိုင်လမှာ မကွာရှင်းတော့ဖို့ ပြန်လည်ဆုံးဖြတ်ခဲ့ကြပါတယ်။

အခုလက်ရှိမှာတော့ ဒုတိယမြောက်ကလေးလေးကို ကိုယ်ဝန်ဆောင်ထားရပြီပဲဖြစ်ပါတယ်။ ကွာရှင်းဖို့ ဆုံးဖြတ်ခဲ့ကြပေမယ့် မကွာရှင်းဖြစ်ဘဲ အခုလိုမျိုး နောက်ထပ် ဒုတိယရင်သွေးလေးကိုပါ ထပ်မံကိုယ်ဝန်ဆောင်ထားရတာကြောင့် ပရိသတ်တွေက အများကြီးကို ဝမ်းသာနေကြပါတယ်။