တစ်မူထူးခြားတဲ့ Metal music ကို သီဆိုတဲ့အပြင် The Voice Myanmar Season 2 ရဲ့ Winner တစ်ဦးလည်းဖြစ်တဲ့ အဆိုတော် Novem Htoo ကိုတော့ အားလုံးသိကြမှာပါ။
အဆိုတော် Novem Htoo ဟာ ယခုလက်ရှိမှာ လွတ်မြောက်နယ်မြေသို့ရောက်ရှိနေပြီး နွေဦးတော်လှန်ရေးမှာ တစ်ထောင့်တစ်နေရာကနေ အင်တိုက်အားတိုက်ပါဝင်နေတဲ့ အနုပညာရှင်တစ်ဦးလည်း ဖြစ်ပါတယ်။
ဒီတစ်ခေါက်မှာလည်း အဆိုတော် Novem Htoo က အောက်တိုဘာ ၁၃ ရက်နေ့မှာကျရောက်မယ့် အပြည်ပြည်ဆိုင်ရာဘေးအန္တရာယ်ထိခိုက်မှုလျှော့ချရေးနေ့ တွင် အဖိနှိပ်ခံတိုင်းရင်းသားပြည်သူတွေနဲ့အတူ တစ်သားတည်းရပ်တည်မည်ဖြစ်ကြောင်း အဆိုပါCampaign တွင်ပါဝင်လာပါတယ်။
အခု Campaign ကတော့ ကိုယ့်ရဲ့ Social Media ပေါ်မှာ လူသားချင်းစာနာမှုကို ဖော်ညွှန်းတဲ့ အဓိပ္ပါယ်နဲ့ ညာဘက်လက်ကို ဘယ်ဘက် နှလုံးသားပေါ်တင်၊တော်လှန်ရေး သင်္ကေတ လက်သုံးချောင်းထောင်ကာ မိမိကြိုက်နှစ်သက်ရာတိုင်းရင်းသားဝတ်စုံကို ဝတ်ပြီး ရိုက်ထားတဲ့ပုံကိုမျှဝေပြီး ဒီ Campaign မှာပါဝင်နိုင်မှာ ဖြစ်ပါတယ်။
အဆိုတော် Novem Htoo က သူရဲ့အတူ ဒီ Campaign မှာ ပါဝင်ဖို့အတွက် တစ်ပြည်လုံးမှာ ရှိကြတဲ့ တိုင်းရင်းသားညီကိုမောင်နှမများအားလုံးကိုလည်း ပါဝင်ဖို့အတွက် ဖိတ်ခေါ်ခဲ့ပါတယ်။
သတင်း အရင်းအမြစ်៖ Novem Htoo