"ပီတိကိုသာ စားပြီးမေတ္တာပေးလို့ သံသရာမှာ အေးချမ်းစွာကျင်လည်ချင်ပါတယ် "လို့ဆိုလာတဲ့ ပရဟိတ မင်းသမီး ခိုင်နှင်းဝေ

ပရဟိသမင်းသမီးဖြစ်တဲ့ ခိုင်နှင်းဝေကတော့ ပရဟိတလုပ်ငန်းများကို စိတ်ရောကိုယ်ရောနှစ်ပြီး စေတနာအပြည့်နဲ့ လုပ်ကိုင်ပေးနေတာကြောင့် ပရိတ်သတ်များက သူမအတွက် လေးစားပြီး ဝမ်းသာပီတိဖြစ်ရပါတယ်။

သူမဟာ လက်ရှိမှာ ခိုင်နှင်းဝေ ရင်သွေးလေးများဂေဟာကို ထူထောင်ထားတဲ့အပြင် နာမကျန်းဖြစ်နေတဲ့ကလေးလေးများအတွက် ဆေးကုသစာရိတ်များအကုန်ကျခံကာ ကူညီပေးနေတဲ့သူတစ်ယောက်ဖြစ်ပါတယ်။

သူမဟာ လိုအပ်နေပြီးဒုက္ခရောက်နေတဲ့သူတွေအတွက်လည်း တတ်နိုင်သမျှ ကူညီစောင့်ရှောက်ပေးနေတဲ့သူတစ်ဦးဖြစ်သလို သူမရဲ့ဂေဟာမှာ ရှိတဲ့ ကလေးလေးတွေကိုလည်း ကိုယ့်ရင်သွေးလေးတွေလို ပြုစုစောင့်ရှောက်ပေးနေတဲ့သူတစ်ဦးလည်း ဖြစ်ပါတယ်။

အစ်မခိုင်နှင်းဝေကတော့ သူမရဲ့လှူဒါန်းမှုတွေမှာဆိုရင် ပုဂ္ဂိုလ်စွဲမရှိ စိတ်ဖြတ်ပြီး လှူဒါန်းတယ်လို့ ဆိုပါတယ်။နောက်ပြီးတော့ သူမရဲ့ပရဟိတအလုပ်တွေပေါ်မှာလည်း မျှော်လင့်ခြင်းဆိုတဲ့စိတ်ကိုဖြတ်ပြီး ဘာတစ်ခုမှ ရယူပိုင်ဆိုင်လိုတဲ့စိတ်မရှိအောင်အလုပ်လုပ်တဲ့အပြင် သူမရဲ့ပရဟိတ အလုပ်တွေမှာ သူမဟာ ပီတိကိုသာစားပြီး မေတ္တာတွေပဲပေးချင်တဲ့သူတစ်ယောက်ဖြစ်ချင်တယ်လို့ဆိုထားပါတယ်။

အစ်မရဲ့ဆုတောင်းတွေ အမြဲပြည့်ဝပြီး ပရဟိတတွေကို ဒီထက်မက ပိုလုပ်နိုင်ပါစေလို့ ဆုတောင်းပေးလိုက်ပါတယ်။

သတင်း အရင်းအမြစ်៖ Khine Hnin Wai