ယခုကာလမှာ မြန်မာနိုင်ငံအတွင်း ကိုဗစ်ရောဂါဟာ အရှင်းပျောက်ကင်းသွားခြင်း မရှိသေးပါဘူး။ဒါကြောင့် ပြည်သူများဟာ မဖြစ်မနေ လိုအပ်မှသာ အပြင်ထွက်ကာ သွားလာလှုပ်ရှားနေကြရတာဖြစ်ပါတယ်။
ဟိုးယခင် ကိုဗစ်ပိုး စတင်တွေ့ရှိစဥ်ကာလ မှာဆိုရင် နိုင်ငံတော်အစိုးရဟာ ပြည်သူများကို အပြင်မထွက်ရ ဥပဒေ ပုဒ်မ-၁၄၄ နှင့် ထိန်းချုပ်ကာ ကိုဗစ်ရောဂါ ပြန့်ပွားမှုကို တားဆီး ထားခဲ့တာဖြစ်ပါတယ်။
ယခုဆို ကိုဗစ်ရောဂါပိုးဟာ မြန်မာနိုင်ငံမှာ တတိယလှိုင်းအထိ ဖြစ်ပွားခဲ့ပြီးဖြစ်ပါတယ်။ယခုအခါ စစ်ကောင်စီ မှ အောက်တိုဘာ(၈)ရက်နေ့စွဲဖြင့် ထုတ်ပြန်စာ တစ်ခုထွက်ရှိလာတာဟာ အင်တာနက်ပေါ်မှာပြန့်နှံ့လျက်ရှိပါတယ်။ဒါကတော့ ရန်ကုန်တိုင်းဒေသကြီးအတွင်းမှာရှိတဲ့ မြို့နယ်(၃၁) မြို့နယ်ကို လူငါးယောက်နှင့် ငါးယောက်ထက်ပို၍ စုဝေးမှုများမပြုလုပ်ရဆိုတဲ့ ထုတ်ပြန်စာဖြစ်ပါတယ်။မြို့နယ်ပေါင်း(၃၁)မြို့နယ်မှာ ဒလမြို့နှင့် ဆိပ်ကြီးခနောင်တိုမြို့ များ မပါဝင်ဘူးလို့လည်း သိရပါတယ်။