မနေ့ကတောင်ဒဂုံ ၂၆ ရက်ကွက် ရဲရင့်အောင်လမ်းမှာ လာရောက်စွန့်ပစ်သွားတဲ့ သမီးလေးကို မွေးစားလိုက်ပြီလို့ ပရဟိတမင်းသမီးခိုင်နှင်းဝေက သူမရဲ့ လူမှုကွန်ရက်စာမျက်နှာပေါ်မှာ တင်ထားပါတယ်။
စွန့်ပစ်သွားတဲ့ကလေးလေးက အသက် ၇ ရက်ဝန်းကျင်ခန့်လောက်သာရှိသေးပြီး ချက်ကြွေကာစလေးလို့သိရပါတယ်။ ကလေးလေးမှာ အပူဖုတွေပေါက်နေပြီး သွေးအညစ်အကြေးတွေကိုတောင်း သန့်စင်မထားဘူးလို့ ခိုင်နှင်းဝေက သူမလူမှုစာမျက်နှာမှာ ရေးတင်ထားပါတယ်။ ကလေးလေးကို ကောက်ရတဲ့အိမ်နားပတ်ဝန်းကျင်က နို့တိုက်ပေးပြီး သနပ်ခါးလေးတွေ လိမ်းပေးတားတယ်လို့ သူမလူမှုစာမျက်နှာမှာ ရေးတင်ထားပါတယ်။ ကလေးလေးတွေကို အခုလို အကောင်းတိုင်း တွေ့နိုင်သလို မိုးမိ ၊ ခွေးဆွဲ ၊ ကြွက်ဆွဲ အသက်သေဆုံးမှုများရှိနိုင်တာကြောင့် ကလေးလေးတွေကို အခုလို အလွယ်တကူ လမ်းပေါ်မှာ မစွန့်ပစ်ကြဖို့ကိုလည်း မေတ္တာရပ်ခံထားပါသေးတယ်။
ပရဟိတမင်းသမီးခိုင်နှင်းဝေဟာ အနယ်နယ်အရပ်ရပ်မှ အစွန့်ပစ်ခံရတဲ့ မိဘမဲ့ကလေးလေးတွေ မွေးရာပါရောဂါဖြစ်နေတဲ့ ကလေးလေးတွေကို ခေါ်ယူမွေးစားလေ့ရှိတဲ့ မင်းသမီးတစ်ယောက်ဖြစ်ပြီး သူမရဲ့ ခိုင်နှင်းဝေ ရင်သွေးလေးများဂေဟာ မှာဆိုရင်လည်း ကလေးလေးတွေအရေအတွက် တော်တော်လေးများနေပြီပဲဖြစ်ပါတယ်။