ပျင်းနေတဲ့အခါ တခြားအတွေးဆိုးတွေ မဝင်အောင် ဘယ်လိုလုပ်ကြမလဲ။

လူတိုင်းမှာ ပျင်းလိုက်တာ ဆိုပြီး ပြောတတ်ကြတဲ့အချိန်တွေရှိပါတယ်။ပျင်းလိုက်တာဟာ ကြာလာရင် သင့်ကို စိတ်ညစ်ညူးစေနိုင်ပါတယ်။အတွေးတွေ အရမ်းများလာတတ်ပြီး ငါက ဘာမှအသုံးမဝင်တော့ဘူးလားဆိုပြီး ထင်ကောင်းထင်နိုင်တတ်ပါတယ်။လူက ဘာမှလုပ်စရာမရှိရင် စိတ်ဓာတ်တွေကျတတ်ပြီး အတွေးဆိုးတွေ ဝင်ရောက်လာနိုင်ပါတယ်။သင့်အနေနဲ့ အတွေးဆိုးတွေ ဝင်မလာအောင် သင်ပျင်းနေတဲ့အချိန်မှာ ဘာတွေလုပ်သင့်လဲဆိိုတာကို ဖော်ပြပေးလိုက်ပါတယ်။

၁။ဝါသနာပါရာတစ်ခုခုလုပ်ကြည့်ပါ။

ကိုယ်က ပန်းချီဆွဲရတာဝါသနာပါရင် ပန်းချီဆွဲတာဖြစ်ဖြစ်၊ဂစ်တာတီးရတာဝါသနာပါရင် ဂစ်တာတီးနေတာပဲဖြစ်ဖြစ် တစ်ခုခုတော့လုပ်ကြည့်ပါ။

၂။အစားအသောက်ကောင်းကောင်းလေးတွေစားပါ။

တစ်ချို့ Foody လေးတွေက ပျင်းလာတာနဲ့ အစားကောင်းကောင်းလေးတွေကို စားလိုက်ခြင်းအားဖြင့် အပျင်းပြေတယ်လို့ဆိုကြပါတယ်။သင့်အနေနဲ့ ဟင်းချက်ဝါသနာပါတဲ့သူဆိုရင် ကောင်းကောင်းလေးတစ်ခု ချက်စားကြည့်လိုက်ပါ။

၃။ အိပ်ရေးဝအောင်အိပ်ပါ။

ပျင်းတယ်ဆိုပြီးတော့ သင့်စိတ်ကို အလိုလိုက်မနေပါနဲ့ ။တစ်နေ့တစ်နေ့ အိပ်ချိန်မှန်အောင် နောက်ပြီးတော့ အိပ်ရေးဝအောင် အိပ်ကြည့်ပါ။

 ၄။ လေ့ကျင့်ခန်းလုပ်ပါ။

ပျင်းတဲ့စိတ်မဖြစ်လာအောင် မနက်ခင်းမှာလမ်းလျှောက်တာတို့၊Yoga ကျင့်တာတို့ကို လုပ်ပါ။သင့်အနေနဲ့လေ့ကျင့်ခန်းလုပ်ခြင်းအားဖြင့် ကိုယ်ခန္ဓာကျန်းမာရေးအတွက်လည်း အထူးကောင်းမွန်​စေသလို သင့်ရဲ့စိတ် Emotion အတွက်လည်း အများကြီး အထောက်အကူဖြစ်စေပါတယ်။

၅။ကောင်းကောင်းအနားယူပါ။

ပျင်းရိတာနဲ့ ကောင်းကောင်းအနားယူတာနဲ့ မတူပါဘူး။သင့်အနေနဲ့ ကောင်းကောင်းအနားယူတော့မယ်ဆိုရင် တိတ်ဆိတ်တဲ့ပတ်ဝန်းကျင်မှာ အနားယူတာဖြစ်ဖြစ်၊ဒါမှမဟုတ် သူငယ်ချင်းတွေနဲ့ အတူအချိန်ဖြုန်းတာပဲ ဖြစ်ဖြစ်၊ကိုယ့်ရဲ့ Career အတွက် အရေးပါမဲ့သင်တန်းကို တက်တာမျိုးဖြစ်ဖြစ် ပြုလုပ်ကြည့်ပါ။