ကမ္ဘာပေါ်မှာ ထူးထူးဆန်းဆန်းအရာတွေဆိုတာ လက်ချိုးရေလို့တောင် ကုန်မယ်မထင်ပါဘူး။ အထူးတကာ အထူးဆန်းဆုံးအရာတွေထဲမှာ ပထမနေရာကို ဗိုလ်စွဲထားတာကတော့ လူတွေပါပဲ။ ခုဖော်ပြမှာကတော့ ထူးထူးဆန်းဆန်း လုပ်ပြတဲ့ အမျိုးသားတစ်ယောက်အကြောင်းပါ။
သူလုပ်တဲ့ထူးထူးဆန်းဆန်း အရာကတော့ လူတွေအတွက်အရမ်းကို အန္တရာယ်ကြီးမားတဲ့ စပါးအုန်းမြွေကြီးတွေကို မွေးမြူတာပါပဲ။ တစ်ကောင်တည်းတောင်မဟုတ်ပဲ ဆယ်ကောင်ထက်မနည်း မွေးမြူထားတာပါ။ ဒါ့အပြင် ဒီမြွေတွေကြားထဲမှာဝင်ပြီး အစာကျွေးတာတွေ ရေတိုက်တာတွေလုပ်ပြီး တစ်ခါတစ်လေဆိုနှစ်နှစ်ခြိုက်ခြိုက်ဝင်တောင်အိပ်ပါသေးတယ်။ သူက မွေးတာမှ တိရိစ္ဆာန်ရုံအသေးစားလေးလုပ်ပြီးကို မွေးထားတာပါ။
သူရဲ့တိရိစ္ဆာန်ရုံလေးထဲမှာဆိုရင် ဒီစပါးအုန်းမြွေကြီးတွေအပြင် အခြားအဆိပ်ရှိတဲ့ တွားသွားသတ္တဝါတွေကိုပါ မွေးမြူထားပါသေးတယ်။ သူဟာ Biopod လို့ခေါ်တဲ့ တွားသွားသတ္တဝါတွေအတွက် သီးသန့် တိရိစ္ဆာန်ရုံသေးသေးလေးကို အခြားသော အဖွဲ့ဝင်လေးယောက်နဲ့ တည်ထောင်ထားခြင်းလည်း ဖြစ်ပါတယ်။ သူ့အကြောင်းကို website က အသေးစိတ် ကျယ်ကျယ်ပြန့်ပြန့်ပြောမထားပေမယ့် အန္တရာယ်အရမ်းရှိတဲ့မြွေကြီးတွေကြားမှာ ထိုင်ပြီးစကားကိုအေးအေးလူလူနဲ့ပြောနေတဲ့ ဒီလူကိုတော့ ပုံထဲမှာ တွေ့ရှိနိုင်ပါတယ်။
သတင်း အရင်းအမြစ်៖ Iaiei