သားတော်မောင်လေးတစ်ယောက် ထပ်မံမွေးစားလိုက်ကြောင်း ကြေညာလိုက်တဲ့ YGW ပရဟိတမိဘမဲ့ကျောင်းမှ ဘဘုန်းတို့

YGW ပရိဟိတ မိဘမဲ့ကျောင်းလေးဟာ အနယ်နယ်အရပ်ရပ်မှ အကြောင်းအမျိုးမျိုးကြောင့် မိဘတွေမမွေးနိုင်တော့တဲ့ ကလေးငယ်လေးတွေကို တာဝန်ယူမွေးစားပေးနေတဲ့ မိဘမဲ့ ပရဟိတ ကျောင်းလေးတစ်ခုဖြစ်ပါတယ်။

ဘဘုန်းတို့ကျောင်းမှာဆိုရင် ရက်သား ၊ လသား ၊ ကလေးငယ်လေးတွေ အပြင် ဆယ်ကျော်သက်အရွယ် ကလေးတွေပါ ရှိပါတယ်။ ဘဘုန်းတို့ပရဟိတ မိဘမဲ့ကျောင်းလေးဟာ ပဲခူးမြို့အလွန် တိုက်ကြီးမြို့ သနပ်ချောင်းရွာမှာ ရှိပြီးတော့ အေးချမ်းတဲ့သစ်ပင်ရိပ်လေးတွေနဲ့အရမ်းကို စိတ်ချမ်းသာဖို့ကောင်းတဲ့ နေရာလေးဖြစ်ပါတယ်။

ပြီးခဲ့တဲ့ ၄ ရက်နေ့တုန်းကလည်း ဘဘုန်းတို့ကျောင်းက ၁ လနှင့် ၁၀ ရက်အရွယ်သာရှိသေးတဲ့ သားတော်မောင်လေးတစ်ယောက်ကို ထပ်မံမွေးစားခဲ့ကြောင်း ကြေညာခဲ့ပါတယ်။

ဘဘုန်းတို့မိဘမဲ့ကျောင်းက ကလေးလေးတွေအားလုံးဟာ ချစ်ဖို့ကောင်းပြီး လှပတဲ့အပြုံးလေးတွေရှိကြတဲ့ကလေးလေးတွေပါ။ YGW ပရဟိတမိဘမဲ့ကျောင်းက ချစ်ဖို့ကောင်းတဲ့ ကလေးလေးပုံလေးတွေကိုပါ တစ်ခါတည်း တင်ပေးလိုက်ပါတယ်နော်။

ပုံလေးတွေကြည့်ပြီး လှူချင်လာရင်လည်း ဘဘုန်းတို့ရဲ့ YGW ပရဟိတမိဘမဲ့ကျောင်း လူမှုကွန်ရက်စာမျက်နှာလေးမှာသွားရောက်လှူဒါန်းနိုင်ပါတယ်။