မီဇိုရမ်ပြည်နယ် ကျန်ဖိုင်းမြို့တွင် စစ်ဘေးရှောင်စခန်းက ချင်းအမျိုးသားတစ်ဦး ကြိုးဆွဲချသေဆုံး

ချင်းပြည်နယ်အတွင်း စစ်ရေးပဋိပက္ခကြောင့် မီဇိုရမ်ပြည်နယ် ကျန်ဖိုင်း(Champhai) မြို့၊ စစ်ဘေးရှောင်များ ခိုလှုံရာစခန်း( Holy Cross) တွင် နေထိုင်တဲ့ စစ်ဘေးရှောင် ချင်းအမျိုးသားတစ်ဦး အောက်တိုဘာ ၃ ရက်နေ့ ညနေပိုင်းက မိမိကိုယ်ကို ကြိုးဆွဲချသေးဆုံးခဲ့ကြောင်း သိရပါတယ်။

တွန်းဇံမြို့နယ် (Ronzang ) ကျေးရွာမှ စစ်ဘေးရှောင်လာတဲ့ အသက် ၃၆နှစ်အရွယ် ခန်ဇာကင်မ် (Khen Zam Kim)က အောက်တိုဘာ ၃ရက် ညနေပိုင်းက စိတ်ဓာတ်ကျ/ စိတ်ဖိစီးမှုခေါ် (Depression) ကြောင့် မိမိကိုယ်မိမိ ကြိုးဆွဲချသေးဆုံးခဲ့ကြောင်း ရင်းနှီးသူများထံမှ သိရပါတယ်။

သေဆုံးသူက အရင်တုန်းက လွှဆွဲတဲ့ အလုပ်လုပ်ကိုင်ပြီး ဇနီးနှင့် သားသမီး သုံးယောက်ကျန်ရစ်ခဲ့ပါတယ်။ သူက မီဇိုရမ်သို့ တိမ်းရှောင်လာခဲ့တာ တစ်လလောက်ပဲရှိပြီး အိမ်ထောင်ရေးလည်းအဆင်မပြေကြောင်း သိရပါတယ်။ သူရဲ့ နာရေးကိစ္စကို Zomi Welfare Committee နှင့် Young Mizo Association (Champhai)တို့က ဆောင်ရွက်ပေးခဲ့ကြပါတယ်။

မီဇိုရမ်ပြည်နယ် ကျန်ဖိုင်းခရိုင်က အိန္ဒိယ-မြန်မာနယ်စပ်မှာ တည်ရှိတဲ့ မြို့တစ်မြို့ဖြစ်ပြီး လက်ရှိ ကျန်ဖိုင်းခရိုင်မှာ မြန်မာစစ်ဘေးရှောင် အများဆုံးထွက်ပြေးတိမ်းရှောင်လာသော မြို့တစ်မြို့လည်း ဖြစ်ပါတယ်။