ကမ္ဘာပေါ်မှာရှေးအကျဆုံးတက္ကသိုလ်တစ်ခုအဖြစ်နာမည်ကြီးတဲ့ Al-Azhar တက္ကသိုလ်ဟာအီဂျစ်နိုင်ငံ ကိုင်ရိုမြိူ့မှာရှိတာဖြစ်ပါတယ်။ AD 972 ခုနှစ်မှာ ဘာသာရေးအဆောက်အအုံဖြစ်တည်ဆောက်ခဲ့ပီး နှစ်အနည်းငယ်ကြာလာတဲ့အခါမှာတော့ ကျောင်းသားနဲ့ဆရာအချို့ဟာသင်ခန်းစာများကိုလေ့ကျင့်ရန်အတွက် အဆိုပါဘုရားကျောင်းထဲစုဝေးလာရာမှ အစပြုလာခဲ့ပါတယ်။ AD 988 အရောက်မှာတော့ ကိုင်ရိုမြို့ကိုအုပ်ချုပ်တဲ့သူတွေဟာ စာသင်ကြားခြင်းကိုမြင့်မြင့်မားမားဖြစ်စေရန်အတွက် ကျောင်းတစ်ကျောင်းတည်ဆောက်ရန်ဆုံးဖြတ်ခဲ့ချိန်မှစပြီး Al-Azhar တက္ကသိုလ်ကြီးကိုတည်ထောင်ခဲ့ပါတယ်။
Al-Azhar တက္ကသိုလ်ကြီးမှာ ပထမဆုံးသင်ကြားခဲ့တဲ့ဘာသာရပ်တွေကတော့ ဥပဒေပညာရပ်နှင့် လူမျိုးရေးဆိုင်ရာတို့ပဲဖြစ်ပါတယ်။ သင်ကြားမှုပိုင်းဆိုင်ရာမှာလည်း ကျောင်းသားတွေဟာ ဆရာနဲ့အတူကျက်မှတ်လေ့လာရပါတယ်။သို့သော်လည်း သင်ကြားပီးသမျှကို လွတ်လပ်စွာဆွေးနွေးခြင်းတွေမရှိပါဘူး။ ဒါကြောင့် မကြာခဏ ကျောင်းသားနဲ့ဆရာတွေဟာ ခေါင်းစဉ်တစ်ခုကို အခြေအတင်ငြင်းခုံကြရပီး အဖြေမှန်ဘယ်လိုမှထွက်မလာခဲ့ပါဘူး။
နောက်ဆုံးမှာတော့ Al-Azhar တက္ကသိုလ်ကို ကမ္ဘာအနှံ့က ပညာရှင်တွေ ရောက်ရှိလာကာ ကျောင်းသားတွေကိုသင်ကြားပေးပီးသုတေသနတွေလည်း လုပ်ဆောင်ခဲ့ကြပါတယ်။ လွန်ခဲ့တဲ့နှစ်ပေါင်းတစ်ထောင်လောက်က Al-Azhar တက္ကသိုလ်ကြီးဟာ ကမ္ဘာပေါ်မှာအရေးပါပြီး နာမည်အကြီးဆုံးဖြစ်ခဲ့ပါတယ်။ တက္ကသိုလ်စာကြည့်တိုက်အတွင်းမှာ ရှေးအကျဆုံးနှင့် တန်းဖိုးကြီးတဲ့စာအုပ်ပေါင်း နှစ်သိန်းခွဲကျော်ရှိပါတယ်။ ယခုခေတ်မှာတော့ ကမ္ဘာပေါ်တွင် အောက်စဖိုဒ့် နှင့် ဟားဗတ်ကဲ့သို့နာမည်ကြီးတက္ကသိုလ်အများအပြားဟာ Al-Azhar တက္ကသိုလ်ရဲ့ သင်ကြာရေးပုံစံများကိုဆက်လက်ကျင့်သုံးလျက်ရှိပါတယ်။
သတင်း အရင်းအမြစ်៖ Britannica