နိုင်ငံကျော် အဆိုတော် Camila Cabello ကိုတော့ ပရိတ်သတ်များအားလုံးသိကြမှာပါ။သူမဟာ အရင်က Fifth Harmony အဖွဲ့ဝင်ဟောင်းတစ်ဦးဖြစ်ခဲ့ပြီး အခုအချိန်မှာတော့ သူမဟာ အဖွဲ့က ထွက်သွားပြီဖြစ်ပါတယ်။
သူမဟာ အဖွဲ့လိုက်သီချင်းများ အပြင်တစ်ကိုယ်တော် တေးသီချင်းများကိုလည်း ထုတ်လုပ်ဖန်တီးခဲ့ရာ ပရိတ်သတ်များစွာရဲ့ အားပေးချစ်ခင်မှုကို အပြည့်အဝရရှိခဲ့ပါတယ်။
သူမ ကို ချစ်ခင်သူတွေများပြားကြသလို မုန်းတီးဝေဖန်နေကြသူများလည်းရှိကြပါတယ်။သူမရဲ့ ခန္ဓာကိုယ်ကို ဝတယ်လို့ ဆိုလာသူတွေကိုလည်း သူမဟာ လုံးဝဂရုမစိုက်ဘူး ဆိုတဲ့အကြောင်း ပြောကြားခဲ့ပါတယ်။ဒါ့အပြင် သူမဟာ မိန်းကလေးတွေကို လူတိုင်းက ပြီးပြည့်စုံနေတာမဟုတ်လို့ မိန်းကလေးတိုင်းမှာ အလှကိုယ်စီရှိကြောင်းပြောကြားပြီးအားပေးခဲ့ပါသေးတယ်။
သူမဟာ "ကျွန်မ က ကျွန်မ လိုအပ်တာကိုလုပ်နိုင်ဖို့
ကျွန်မလုပ်ချင်တာတွေလုပ်ခွင့်ပေးတဲ့ဒီခန္ဓာကိုယ်အတွက် ကျေးဇူးတင်တယ်။ကောက်ကြောင်းတွေ၊ အဆီပြင်တွေ နဲ့ အကြောပြတ်ရာတွေ၊ အဆီတွေနဲ့မှသာ ကျွန်မတို့က တကယ့်အမျိုးသမီးစစ်စစ်တွေဖြစ်ပါတယ်။"လို့လည်းရေးသားဖော်ပြခဲ့ပါသေးတယ်။ပရိတ်သတ်အားလုံးလည်းစိတ်ဓာတ်မကျပဲ မိမိမှာရှိတဲ့အလှတရားကိုတန်ဖိုးထားတတ်ကြပါစေနော်။
Bong I.T