ယမန်နေ့ညက Facebook, Instagram နှင့် WhatsApp တို့အားလုံးတစ်ကမ္ဘာလုံးအတိုင်းအတာနှင့်ပျက်တောက်ခဲ့ပြီ ၆ နာရီကျော်ကြာပြီးနောက်မှာ ပြန်လည်သုံးစွဲလို့ရရှိခဲ့ပါတယ်။
Facebook အနေနှင့်လည်း တစ်ကမ္ဘာလုံးအတိုင်းအတာနှင့်အခုလိုသုံးစွဲသူတွေအဆင်မပြေဖြစ်သွားတဲ့အကြောင်းကို တောင်းပန်ကြောင်း ကို ဆာဗာပျက်တောက်နေစဉ်မှာ Facebook ရဲ့ Chief Technology Officer Mike Schroepfer က Twitter မှာ post တစ်ခုရေးတင်ခဲ့ပါတယ်။သုံးစွဲလို့ပြန်ရပြီးနောက်မှာလည်း Mark Zuckerberg ကိုယ်တိုင် post တစ်ခုရေးတင်ခဲ့ပါတယ်။
အခုလိုဆာဗာတွင်းပြဿနာတတ်မှုက ကြုံတွေ့ခဲ့ရသမျှထဲမှာ အကြီးဆုံးပြတ်တောက်မှုကြီးဖြစ်ကြောင်း Downdetector ကဆိုထားပါတယ်။
ဘာကြောင့်အခုလို ဆာဗာပျက်တောက် မှုတွေဖြစ်သွားတယ်ဆိုတာကိုတော့ Facebook ဘက်ကအခုအချိန်ထိထုတ်ဖော်ပြောကြားခြင်းမရှိသေးပါဘူး။Whatsapp ဘက်ကတော့နည်းပညာပိုင်းချို့ယွင်းမှုကြောင့်ဖြစ်တယ်လို့ပြောထားပါတယ်။
ဆာဗာပျက်တောက်ချို့ယွင်းမှု ဖြစ်နေစဉ်မှာ Facebook အသုံးပြုသူတွေမြင်တွေ့ရတဲ့စာသားက “Sorry, something went wrong .We’re working on it and we’ll get it fixed as soon as we can” ဖြစ်ပြီး Domain Name System (DNS) error ဖြစ်တယ်လို့သိရပါတယ်။
အခုလိုနာရီပေါင်း ၆ နာရီကျော်ကြာပျက်တောက်သွားတဲ့ဖြစ်စဉ်ကြောင့် Facebook ရဲ့ စီအီးအို Mark Zuckerberg တစ်ယောက် စုစုပေါင်း အမေရိကန်ဒေါ်လာ ၆ ဘီလီယံကျော်လောက်ဆုံးရှုံးသွားခဲ့ပြီး ကမ္ဘာအချမ်းသာဆုံးစာရင်း နံပါတ် ၅ နေရာကနေ ၆ နေရာကိုရောက်ရှိသွားကြောင်းသိရှိရပါတယ်။