မြန်မာနိုင်ငံ မီးသတ်တပ်ဖွဲ့ကတော့ ပြည်သူတွေရဲ့ အသက်အိုးအိမ်တွေကို ကာကွယ်စောင့်ရှောက်ပေးတဲ့သူတွေထဲမှာ ရှေဆုံးကနေပါဝင်ခဲ့ပါတယ်။ ၎င်းတို့ဟာ မီးသတ်တဲ့လုပ်ငန်းစဥ်တစ်ခုတည်းသာ မဟုတ်ဘဲ ရေကြီးရေလျှံမှုတွေ ၊ မြေပြိုကျမှုစတဲ့နေရာတွေမှာလည်း ရှာဖွေကယ်ဆယ်ရေးတွေကို ကူညီလုပ်ဆောင်ပေးနေတာ ဖြစ်ပါတယ်။ ယနေ့ အောက်တိုဘာ (၄)ရက်နေ့မှာလည်း မီးသတ်တပ်ဖွဲ့က မန္တလေးတိုင်းဒေသကြီး၊ ညောင်ဦးမြို့နယ်က မြေပိမိနေတဲ့ လူတစ်ဦးရဲ့ အသက်ကို ကယ်တင်ပေးနိုင်ခဲ့ကြောင်း ကြားသိရပါတယ်။
ညောင်ဦးမြို့နယ်၊ ပုဂံမြို့သစ်၊ ကျန်စစ်သားရပ်ကွက်၊ ထီးမင်းယဉ်ရပ်မှာ နေထိုင်တဲ့ အမျိုးသားတစ်ဦးဟာ အိမ်သာကျင်းအသစ်တူးပြီး ပြန်အတက်မှာ မြေသားနံရံအား ပြန်လည်ဆွဲတက်ရာကနေ မြေသားခိုင်မာမှုမရှိတာကြောင့် ပြိုကျခဲ့တာဖြစ်ပါတယ်။ ကံကောင်းတော့ အဆိုပါအမျိုးသားဟာ အိမ်သာကျင်းအတွင်း မျက်နှာသာလွဲပြီး တစ်ကိုယ်လုံး မြေစာများပိမိခဲ့တာဖြစ်ပါတယ်။
မြေစာပိမိနေတဲ့ အမျိုးသားကို ညောင်ဦးမြို့နယ်နှင့် ပုဂံနယ်မြေမီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ မီးသတ်ယာဉ်(၁)စီး၊ သန္ဓေမီးသတ်တပ်ဖွဲဝင်များ၊ အရန်မီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများပူးပေါင်းကာ သွားရောက်ကူညီဆောင်ရွက်ခဲ့ရာ ခက်ခက်ခဲခဲ ကယ်ထုတ်ပေးနိုင်ခဲ့ပါတယ်။ အိမ်သာကျင်းထဲကနေ အသက်ရှင်လျက် ကယ်ထုတ်နိုင်ခဲ့တဲ့ မီးသတ်တစ်ဖွဲ့ကိုလည်း ပြည်သူတွေက ချီးကျူးဂုဏ်ပြုပေးခဲ့ကြတာ တွေ့ရပါတယ်။
သတင်း အရင်းအမြစ်៖ Source - MFSD
Bong I.T