ဥရောပနိုင်ငံတွေမှာ ဂျုံနဲ့ ပြုလုပ်ထားတဲ့ အစားအစာတွေကို အများဆုံးစားသုံးကြပြီး ဒီအထဲမှာမှ ပေါင်မုန့်ကတော့ ဥရောပနိုင်ငံသားတို့ရဲ့ အဓိကအစားအစာလို့တောင် ဆိုရမှာပါ။ များပြားတိုးတက်လာတဲ့ လူဦးရေကြောင့် ပေါင်မုန့် ထုတ်လုပ်မှုတွေ များပြားလာကာ စားသုံးသူတွေအတွက်တောင် ပိုလျှံလို့နေပါတယ်။
ဩစတေးရီးယားနိုင်ငံမှာတော့ တစ်နှစ်ကို အလေအလွင့် ဖြစ်ခဲ့ရတဲ့ ပေါင်မုန့်အရေအတွက် ဟာ လူတစ်သန်းစားလို့ရတဲ့အထိတောင် ရှိပါတယ်။ ဒီလိုအလေအလွင့်ဖြစ်နေတဲ့ ပေါင်မုန့်တွေကို အလဟသ မဖြစ်စေဖို့အတွက် ဩစတေးရီးယားမှာရှိတဲ့ စားသောက်ဆိုင်တစ်ဆိုင်ကတော့ ရက်လွန်ပေါင်မုန့်တွေကနေ ဘီယာအဖြစ်သို့ ပြောင်းလဲ ထုတ်လုပ်ခဲ့ပါတယ်။ တိုးတက်အောင်မြင်နေတဲ့ နိုင်ငံတွေကတော့ အမှိုက်ကအစ ပြန်လည် အသုံး၀င်အောင် ပြုလုပ်ကြတာ ပုံမှန်ပါပဲ။
ပေါင်မုန့်ကနေ ဘီယာအဖြစ်သို့ ပြောင်းလဲ ထုတ်လုပ်တာဟာ ရှေးခေတ် အီဂျစ် လူမျိုးတွေရဲ့ နည်းလမ်းတစ်ခုဖြစ်ပါတယ်။ သူ့ရဲ့ အရသာကတော့ သာမန်ဘီယာထက်အနည်းငယ်ကွဲပြားပြီး ထူးခြားတဲ့အရသာမျိုး ဖြစ်တယ်လို့ သိရပါတယ်။ ယခုလို ထုတ်လိုက်တဲ့ ပေါင်မုန့်ဘီယာကြောင့် စွန့်ပစ်အစားအစာတွေကနေ တခြားအစားအထိုး အစားအစာတွေကို ထုတ်နိုင်တယ်ဆိုတာ သက်သေပြလိုက်တာပဲ ဖြစ်ပါတယ်။
သတင်း အရင်းအမြစ်៖ Bloomberg
Bong I.T