အမှတ်မထင်မြင်လိုက်ရတဲ့ ကြည်နူးစရာ မြင်ကွင်းလေးအကြောင်း ဝမ်းသာစွာပြောပြလာတဲ့ မင်းသမီး နော်ဖောအယ်ထား

နော်ဖောအယ်ထား ဆိုတာနဲ့ ချစ်စရာကောင်းလွန်းလှတဲ့ မျက်နှာလေး နဲ့ အပြုံးချိုချို ကို ပိုင်ဆိုင်ထားတဲ့ ကရင်မလေး လို့ အားလုံးက သိထားကြပါတယ်။သူမဟာ မော်ဒယ်အလုပ်အပြင် တခြားသောအနုပညာလုပ်ငန်းများစွာကိုလည်းလုပ်ကိုင်နေသူတစ်ဦးဖြစ်ပါတယ်။

ပရိတ်သတ်တွေအားလုံးကလည်း သူမ ရဲ့ အနုပညာတွေကို အမြဲချစ်ခင်အားပေးလေ့ရှိကြပါတယ်။ယမန်နေ့ အောက်တိုဘာ(၂)ရက်နေ့က သူမဟာ ကြည်နူးစရာမြင်ကွင်းလေးတစ်ခုအကြောင်းကို သူမရဲ့ ပရိတ်သတ်များထံ မျှဝေလာခဲ့ပါတယ်။

သူမဟာ Shopping Centre တစ်ခုမှာ အိမ်အတွက် လိုအပ်တဲ့ပစ္စည်းများထွက်ဝယ်ရင်း Food Panda က မုန့်ပို့ပေးသူတွေအတွက် နေ့လည်စာဝေပေးနေတာကိုတွေ့ခဲ့ရတယ်လို့ဆိုပါတယ်။ မုန့်ပို့သူလေးတွေဟာ စနစ်တကျတန်းစီနေကြပြီး နေ့လည်စာစားသုံးနေတာကိုတွေ့ရတာဟာ သူမရဲ့စိတ်ကိုကြည်နူးစေတယ်လို့ ဆိုပါတယ်။ဒါ့အပြင် သူမဟာ အခုလို လူတိုင်း ခက်ခဲနေတဲ့အချိန်မှာ နေ့လည်စာ လှူဒါန်းပေးတဲ့အတွက် စီစဥ်ပေးတဲ့သူတွေကိုကျေးဇူးတင်ကြောင်း နှင့် အန္တရာယ်တွေ များနေတဲ့ကြားက နေပူမိုးရွာမရှောင် စားချင်တာတွေကိုအိမ်အရောက် ပို့ပေးနေတဲ့ မုန့်ပို့သူလေးတွေကိုလည်း အရမ်းကျေးဇူးတင်ပါတယ် လို့ ​သူမရဲ့ Facebook စာမျက်နှာမှာပြောပြလာပါတယ်။မုန့်ပို့ဆောင်သူအားလုံးလည်း အစစအရာရာအဆင်ပြေနိုင်ပါစေ။ပရိတ်သတ်ကြီးလည်း ကြည်နူးပီတိဖြစ်သွားနိုင်အောင်ဖော်ပြရင်း ရုပ်ကလေးရော စိတ်ကလေးပါလှတဲ့ နော်ဖောလေးလည်း ဘေးကင်းကျန်းမာပါစေလို့ဆုတောင်းလိုက်ရပါတယ်။