မြနှင်းရည်လွင် လို့ဆိုလိုက်တာနဲ့ မြန်မာဆန်ဆန်နဲ့ လှပကျော့ရှင်းလွန်းတဲ့ နိုင်ငံကျော်မင်းသမီးတစ်ယောက်ဆိုတာ ပရိတ်သတ်အားလုံးကသိကြပါတယ်။သူမရဲ့ ပီပြင်လွန်းတဲ့သရုပ်ဆောင်ချက်တွေနဲ့ ပျော်တတ်တဲ့ အပြုအမူတွေကြောင့် ပရိတ်သတ်များကြား ချစ်ခင်မှုကို အပြည့်အဝရရှိထားတယ်ဆိုလည်းမမှားပါဘူး။
သူမ ဟာ ဒီကာလမှာ နိုင်ငံရေးလှုပ်ရှားမှုများကို တက်ကြွစွာပါဝင်လှုပ်ရှားခဲ့တဲ့အတွက် နိုင်ငံတော်အကြည်ညိုပျက်စေမှု ပုဒ်မ ၅၀၅(က)နှင့် တရားစွဲဆိုခံထားရတာဖြစ်ပြီး ရှောင်တိမ်းနေရတာ ကြာမြင့်နေပြီဖြစ်ပါတယ်။အခုချိန်မှာလည်း အဝေးတစ်နေရာကိုရောက်နေတာဖြစ်လို့ ပရိတ်သတ်များက စိတ်ပူနေကြပါတယ်။
မကြာသေးခင်က သူမ ရဲ့ Facebook story မှာ ပုံလေးတစ်ပုံတင်လာပါတယ်။ဒါကတော့ သူမနေထိုင်နေရတဲ့အရပ်ဒေသမှာ ရှိနေတဲ့ သင်းခွေချပ်လေးဖြစ်ပါတယ်။သူမ နေရတဲ့ဒေသမှာ တောတွင်းသတ္တဝါပေါင်းစုံရှိနေနိုင်တာကြောင့်ပရိတ်သတ်အားလုံးကလည်း သူမကိုစိတ်ပူနေကြပါတယ်။ပြည်သူ့အချစ်တော် မမမြတစ်ယောက် ဘေးကင်းကျန်းမာပြီး အမြန်ဆုံးပြန်လာနိုင်ပါစေလို့လည်းဆုတောင်းပေးလိုက်ပါတယ်။