လူနေအိမ်များ နစ်မြုပ်သွားရတဲ့အထိ ရေထိန်းလမ်း ဆိုးဆိုးဝါးဝါး ကျိုးပေါက်သွားခဲ့တဲ့ ထိုင်းနိုင်ငံက ဖြစ်ရပ်တစ်ခု

လတ်တလော ထိုင်းနိုင်ငံအတွင်းမှာ မုန်တိုင်း
ဝင်ရောက်ခဲ့တာကြောင့် ပြည်နယ် (၃၀)လောက်ဟာ ဆိုးဆိုးဝါးဝါး ရေကြီးရေလျှံမှုတွေဖြစ်ပွားခဲ့ပြီး အိမ်ခြေပေါင်း (၁၄၀၀၀) နီးပါး ရေဘေးသင့်ခဲ့ရပါတယ်။ ထိုင်းနိုင်ငံရဲ့ ယခုနှစ်ရေကြီးမှုဟာ စံချိန်တင်လောက်အောင် ဆိုးဆိုးဝါးဝါး ဖြစ်ခဲ့ပြီးသောင်းနဲ့ချီတဲ့ ရေဘေးသင့် ပြည်သူတွေကိုလည်း အရေးပေါ် ပြောင်းရွှေ့ခဲ့ရပါတယ်။

အောက်တိုဘာ (၁) ရက်နေ့ ကလည်း ချင်းမိုင်ခရိုင် စန်လဖီးမြို့နယ်မှာ  မိုးသက်လေပြင်းကျရောက်မှုကြောင့် သက်တမ်း (၁၀၀) ကျော်တဲ့ ကညင်ပင်ကြီး (၁၂) ပင်အမြစ်မှ ကျွတ်ထွက်ပြီးအိမ်ခြေ (၆၇)လုံးလောက် ထိခိုက်ပျက်ဆီးသွားခဲ့သလို  ဓါတ်တိုင် (၄၉)တိုင် ပြိုလဲသွားခဲ့ပါတယ်။ ယခုမှာလည်း  စလဘူရီခရိုင်အတွင်း  ရေထိန်းထားတဲ့လမ်းတစ်ခု  ကျိုးပေါက်သွားခဲ့တဲ့ ရုပ်သံဖိုင်ဟာ လူမှုကွန်ယက်မှာ ပျံ့နှံ့လာခဲ့ပါတယ်။

အဆိုပါ ရေထိန်းလမ်း ကျိုးပေါက်မှုကြောင့် ရေများဝင်ရောက်ခဲ့ပြီး လူနေအိမ်များ နစ်မြုပ်နေကြောင်း သိရပါတယ်။ ရုပ်သံဖိုင်မှာတော့ ရေထိန်းလမ်းဟာ အတော်လေးကို ကျိုးပေါက်သွားတာဖြစ်ပြီး ရေစီးအားပြင်းပြင်း ဒလဟောဝင်ရောက်နေတာ တွေ့ရပါတယ်။ သဘာဝဘေး အန္တရယ်ကို ဆိုးရွားစွာ ခံစားနေကြရတဲ့ ထိုင်းပြည်သူတွေအတွက် ဆုတောင်းပေးရင်း ဒီရုပ်သံဖိုင်ကို ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Original Upload