လင်းပိုင်လေးတစ်ကောင်ဟာ ရေဘဝဲအကြီးအစားကို ကိုက်မျိုမိရာကနေ သေဆုံးခဲ့တာ ဖြစ်ပါတယ်။ ဖြစ်ပွားပုံကတော့ အင်ဒိုပစိဖိတ် မျိုးနွယ်ဝင် လင်းပိုင်လေးဟာ ရေဘဝဲအကြီးအစားကို မျိုချဖို့ကြိုးစားပေမယ့် ပါးစပ်ထဲရောက်သွားချိန်မှာတော့ ရေဘဝဲကအတင်းစုပ်ကပ်ထားတာကြောင့် သေဆုံးခဲ့ရတာလို့ ဩစတေးလျ တိရစ္ဆာန်ထိမ်းသိမ်းစောင့်ရှောက်ရေး တက္ကသိုလ်က ပြောခဲ့တာဖြစ်ပါတယ်။
ရေဘဝဲနှင့် လင်းပိုင်တို့ဟာ အချင်းချင်းတိုက်ခိုက်ခဲ့ပုံရပြီး ရေဘဝဲကို မသေခင် မြိုချလိုက်ကာ လင်းပိုင်လေးကို သေဆုံးသွားခဲ့စေတာပါလို့ ထိန်းသိမ်းရေးအရာရှိ Nahiid Stephens က ပြောကြားခဲ့တာဖြစ်ပါတယ်။ အဆိုပါ လင်းပိုင်ငယ်ဟာ လူတွေနဲ့ အထူးယဉ်ပါးနေပြီး မျိုးပွားနိုင်တဲ့ အရွယ်ကိုလည်း သိပ်မကြာခင် ရောက်လာတော့မယ့်အခြေအနေမှာ သေဆုံးခဲ့တာဖြစ်ပါတယ်။ သာမန်ဆိုရင်တော့ လင်းပိုင်တွေက ရေဘဝဲကို စားတာ သဘာဝပါပဲ။ ဒါပေမယ့် ဒီလင်းပိုင်ငယ်ရွေးပြီး အမဲလိုက်လိုက်တဲ့ ရေဘဝဲဟာ ကြီးမားပြီး သန်မာပျော့ပြောင်းတဲ့ လက်ချောင်းတွေ ရရှိထားပါတယ်။
လက်ချောင်းတွေ ဆန့်လိုက်တဲ့ အခြေအနေမှာတောင် ရေဘဝဲဟာ 4 ပေကျော်ရှိပြီး ကြီးမားတဲ့ စုပ်ခွက်တွေ လက်မှာပါရှိပါတယ်။ ဒီလိုလက်ချောင်းတွေဟာ လင်းပိုင်ရဲ့ ပါးစပ်ထဲ ကပ်နေပြီးတော့ သူ့ရဲ့ အသက်ရှုလမ်းကြောင်းတွေကို လက်ချောင်းတွေနဲ့ ပိတ်ပစ်လိုက်တာဖြစ်ပါတယ်။ တချို့လက်ချောင်းတွေဆို လင်းပိုင်ရဲ့ လည်မျိုအထိရောက်ရှိနေသလို အဆိုပါ ရေဘဝဲကလည်း ကိုက်ခံထားရတဲ့ ဒဏ်နဲ့ သေလုမြောပါးဖြစ်ချိန်အထိ လင်းပိုင်ရဲ့ အသက်ကိုပါ နှုတ်ယူသွားတာဖြစ်ပါတယ်။
ရေဘဝဲဟာ လင်းပိုင်ပါးစပ်ထဲရောက်မှ အဆိပ်တွေ နောက်ဆုံးအကြိမ်မှုတ်ထုတ်ခဲ့တာဖြစ်ပြီး လင်းပိုင်းလည်း အသက်ရှု ကြပ်ကာ အဆိပ့်သင့်ပြီး သေဆုံးခဲ့တာဖြစ်ပါတယ်။ ဒီရေဘဝဲဟာ 4.6 ပေါင်ရှိပါတယ်။ တကယ်တော့ ဒီနှစ်ကောင်လုံးဟာ ထိန်းသိမ်းစောင့်ရှောက်ခံတွေဖြစ်နေတဲ့အတွက် သူတို့ဟာ ဆုံးရှုံးမှုပမာဏကို တွက်ချက်ကြည့်ရင် ငွေတော်တော်များများဆုံးရှုံးတာထက်ပိုတယ်လို့ ဆိုပါတယ်။
သတင်း အရင်းအမြစ်៖ Cantwait2say