ဒါရိုက်တာ ကိုပေါက်က တော်လှန်ရေးကြီးမှာ ပြည်သူနဲ့အတူ အမှန်တရားဘက်ကရပ်တည်ပြီး လမ်းပေါ်ထွက်ကာ လူထုလှုပ်ရှားမှုမှာ ရဲရဲဝင့်ဝင့်ပါဝင်ခဲ့သူလည်း ဖြစ်ပါတယ်။ အင်တိုက်အားတိုက် ပြုလုပ်တာကြောင့် ၅၀၅ က ဖြင့် အမှုဖွင့်အရေးယူခြင်းခံထားရတဲ့ အနုပညာရှင်တွေထဲက တစ်ယောက်လည်းဖြစ်ပါတယ်။ ဘေးကင်းရာကို ရှောင်တိမ်းပြီး လွတ်မြောက်နယ်မြေ တစ်နေရာကို ရောက်ရှိနေတဲ့ ကိုပေါက်ကတော့ ရောက်ရာနေရာကနေ တော်လှန်ရေးတိုက်ပွဲဆင်နွှဲနေသူဖြစ်ပါတယ်။
ဒါရိုက်တာကိုပေါက်က အခုတစ်ခါမှာလည်း သူချစ်ရတဲ့ အနုပညာရှင် ညီအစ်ကိုများကို တောထဲတစ်နေရာကနေ လွမ်းဆွတ် သတိရနေခဲ့ပါတယ်။ ညီအစ်ကိုတွေလို ချစ်ရပြီး အမှန်တရားအတွက် တိုက်ပွဲဝင်ကာ အဝေးရောက်နေကြတဲ့ ကျားပေါက်၊ အာဇာနည်နဲ့ ညီနန္ဒ တို့ရဲ့ ပုံတူပန်းချီလေးတွေကို ကိုယ်တိုင်ရေးဆွဲပြီး သတိတရရှိနေကြောင်းကို ဖော်ပြလိုက်ပါတယ်။
ဒါရိုက်တာကိုပေါက်က ”သတိတရနဲ့ရေးခြစ်မိသော အဝေးရောက် ကောက်ကြောင်းတစ်ချို့၊ မြန်မာနို င်ငံသူ၊ နိုင်ငံသားများ ဘေးကင်း လုံခြုံကြပါစေ" ဆိုပြီး လူမှုကွန်ယက်ထက်မှာ ရေးသားထားခဲ့တာပဲ ဖြစ်ပါတယ်။ လွတ်မြောက်နယ်မြေတစ်နေရာကနေ ဒါရိုက်တာကိုပေါက်ရေးဆွဲထားတဲ့ ကျားပေါက်၊ အာဇာနည်နဲ့ ညီနန္ဒ တို့ရဲ့ ပုံတူပန်းချီလေးတွေကို ပရိသတ်တွေအတွက် ပြန်လည်မျှဝေပေးလိုက်ပါတယ်။
Source : aung min naing 's facebook acc