ဒီနေ့ အောက်တိုဘာ (၂) ရက်နေ့လေးကတော့ ပရိသတ်အချစ်တော် အဆိုတော် သားသား ရဲ့ (၃၃) နှစ်မြောက် မွေးနေ့ကျရောက်တဲ့ နေ့ရက်လေးပဲဖြစ်ပါတယ်။
မနေ့က သူ့ရဲ့ မွေနေ့လေးအတွက်ကိုတော့ အဆိုတော်သားသားက သူ့ရဲ့ လူမှုကွန်ရက် စာမျက်နှာကနေ “မနက်ဖြန် ၁၉နှစ်ပြည့်မွေးနေ့ “ လို့ စနောက်ပြီးရေးထားပါသေးတယ်။
လူငယ်အကြိုက် သီချင်းများကို ဖန်တီးရေးသား သီဆိုလေ့ရှိတဲ့ အဆိုတော် သားသားက အခုနောက်ပိုင်းမှာ တကိုယ်တော်အခွေ ထွက်ဖို့အတွက် အခက်အခဲ ရှိတာကြောင့် မထွက်ဖြစ်ဘဲ တခြားသူများအတွက်သာ သီချင်းများ ဖန်တီးပေးလျက်ရှိတယ်လို့ သိရပါတယ်။
သားသားကတော့ သူဝါသနာပါတဲ့ အနု ပညာအလုပ် တွေကို လုပ် ကိုင်နေပြီး မိဘတွေကို ပြန်လည်ပြုစု လုပ်ကျွေးနေတဲ့ သား လိမ္မာလေးတစ်ယောက်ပါ။မိဘအပေါ်သိတတ်လိမ္မာလွန်းလှတဲ့ လုပ်ရပ်လေးကြောင့် အဆို တော်သားသားကို ပရိသတ်တွေက ချီးကျူးနေခဲ့ကြပါသေးတယ်။
သားသားကတော့ သီချင်းများရေးသား သီဆိုရုံသာမက သီချင်းများကို တီးခတ်ပေးပြီး မကြာခင်ကလည်း သူတီးခတ် ပေးထားတဲ့ နွဲ့ယဉ်ဝင်းနဲ့ ထက်ယံ သီဆိုထားတဲ့ “မောင့်အချစ်ဦး” သီချင်းဟာ ပရိသတ်များကြိုက် နှစ်သက်ခဲ့ပါတယ်။