လတ်တလော ကယားပြည်နယ်အတွင်းရှိ မြို့နယ်တွေမှာ ပြည်သူ့ကာကွယ်ရေးတပ်တွေနဲ့ အာဏာရှင်လက်အောက်ခံတပ်တွေကြား တစ်ကျော့ပြန် ထိတွေ့တိုက်ပွဲတွေ ပြန်လည်ဖြစ်ပွားလာနေတာကိုတွေ့ရပါတယ်။ တစ်ဖက်ကလည်း မြို့ပေါ်ဒေသတွေကိုပါအင်အားအလုံးအရင်းနဲ့ ထိုးစစ်ဆင်မှုတွေ ပြုလုပ်လာခဲ့ပြီး လက်နက်ကြီးတွေနဲ့ပါ ပစ်ခတ်နေတာပါ။ လက်ရှိမှာဆိုရင်လည်း ဒေသခံပြည်သူတွေက ဘေးလွတ်ရာတွေမှာ နေအိမ်တွေစွန့်ခွာပြီး ထွက်ပြေးတိမ်းရှောင်နေကြရတာဖြစ်ပါတယ် ။
လွိုင်ကော်ရှိ ကုန်းသာကျေးရွာမှာလည်း ပြည်သူ့ကာကွယ်ရေးတပ်တွေနဲ့ တိုက်ပွဲတွေအပြင်းအထန်ဖြစ်ပွားနေပြီး ကျဆုံးတဲ့ရဲဘော်တွေလည်း ရှိလာနေသလို လက်နက်ကြီးပစ်ခတ်မှုတွေကြောင့် နေအိမ်တွေပါ မီးလောင်ပျက်ဆီးနေတာကို တွေ့ရပါတယ် ။ ကျေးရွာနေပြည်သူတွေခမျာမှာလည်း စစ်ဘေးရှောင်နေကြရတာပါ။
မကြာသေးမီက ကရင်နီလူမှုကွန်ယက်စာမျက်နှာတစ်ခုကနေ လက်နက်ကြီးပစ်ခတ်မှုတွေကြောင့် ပျက်ဆီးဆုံးရှုံးသွားရတဲ့ ပြည်သူတွေရဲ့ နေအိမ်ပုံရိပ်အချို့ကိုတင်ပေးလာတာ တွေရပါတယ် ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။
သတင်း အရင်းအမြစ်៖ New Light in Karenni's Facebook page