အက်စစ်နဲ့ မျက်နှာကို အပက်ခံခဲ့ရပေမယ့်လည်း ဘ၀ကို အရှုံးမပေးကြတဲ့ အိန္ဒိယက အမျိုးသမီးလေးများ

အိန္ဒိယနိုင်ငံ အူဒါပရာဒတ်ပြည်နယ် မြောက်ပိုင်းမှာ Agra ဆိုတဲ့မြို့လေးတစ်မြို့ရှိပါတယ်။ အဲ့ဒီ Agra ဆိုတဲ့မြို့မှာ Sherose ဆိုတဲ့ကော်ဖီဆိုင်လေးတစ်ဆိုင်ရှိပါတယ်။ အဲ့ဆိုင်မှာရှိ တဲ့အမျိုးသမီးတွေဟာ မျက်နှာကို အက်စစ်နဲ့အပက်ခံထားရတဲ့ သူတွေပါ။ အက်စစ်နဲ့ပက်လိုက်တဲ့အမျိုးသားတွေဟာ ပြစ်မှုတစ်စုံတရာကျသွားပေမယ့် သူတို့ရဲ့မျက်နှာတွေဟာတော့ တစ်ဘဝလုံးစာအတွက်ပျက်စီးသွားခဲ့ရပါတယ်။

ဆိုင်မှာရောင်းချတဲ့ စားသောက်ဖွယ်ရာတွေကိုဈေးနှုန်း သက်မှတ်ထားခြင်းမရှိပါဘူး။ စားသုံးသူဟာ စေတနာရှိသလောက်ထည့်ဝင်ပြီး သူတို့ရဲ့ဘဝပြန်လည်ထူထောင်ရေးအတွက် ရံပုံငွေသဘောသာထည့်ဝင်ရတဲ့ ပုံစံကိုပြုလုပ်ထားပါတယ်။ အိန္ဒိယမှာ အမျိုးသမီးတွေရဲ့မျက်နှာကို အက်စစ်နဲ့ပက်တဲ့လုပ်ရပ်တွေဟာ များစွာရှိပါတယ်။

ဒီအမျိုးသမီးတွေကတော့ ကိုယ်ထူကိုယ်ထ ပြန်လည်ရုန်းကန်နေကြတဲ့ အမျိုးသမီးတွေပါပဲ။ အခုလို အမျိုးသမီးလေးတွေရဲ့ဘဝဟာတကယ်ကို စာနာဖို့ကောင်းပါတယ်။ ဒါပေမယ့် ခုလိုအက်စစ်နဲ့ အပက်ခံခဲ့ရ‌ပေမယ့်လည်း ဘဝကိုအရှုံးမပေးဘဲ ကိုယ်ထူကိုယ်ထ ပြန်လည် ကြိုးစားနေတဲ့ အမျိုးသမီးလေးတွေရဲ့ စိတ်ဓာတ်ကတော့ တကယ်ကို လေးစားအတုယူစရာကောင်းပါတယ်။

သတင်း အရင်းအမြစ်៖ sheroeshangout