မိုးမခရေလည်ပရဟိတမိဘမဲ့ဂေဟာ ကျောင်းမှာ မိခင်ဖြစ်သူနဲ့အတူ လိုအပ်တာတွေလှူဒါန်းကုသိုလ်ယူခဲ့တဲ့ နေဒွေး

သရုပ်ဆောင်မင်းသားချော နေဒွေးကတော့ အောင်မြင်တဲ့ အနုပညာရှင်တစ်ဦးအဖြစ် ရပ်တည်နေသလို စီးပွားရေးလုပ်ငန်းတွေမှာလည်း အောင်မြင်မှုရရှိထားသူပဲ ဖြစ်ပါတယ်။ နေဒွေးကတော့ စားဝတ်နေရေးအခက်အခဲတွေ ကြုံတွေ့နေရပြီး ဆင်းရဲနွမ်းပါးပြည်သူတွေအတွက် လှူဒါန်းမှုတွေ ပြုလုပ်နေတာလည်း တွေ့ရပါတယ်။ 

လှူဒါန်းမှုတွေကို မကြာခဏပြုလုပ်နေတဲ့ နေဒွေးကတော့ ပြီးခဲ့တဲ့ရက်ပိုင်းကလည်း မိဘမဲ့ကလေးငယ်လေးတွေအတွက် လှူဒါန်းကုသိုလ်ပြုခဲ့ပြန်ပါတယ်။ မိခင်ဖြစ်သူနဲ့အတူ မိုးမခရေလည်ပရဟိတမိဘမဲ့ဂေဟာ ကျောင်းမှာ ဆရာတော်သံဃာတော်၊ သီလရှင်ဆရာလေးတွေနဲ့ ကလေးငယ်လေးတွေအတွက် အလှူငွေတွေနဲ့ စားသောက်ကုန်တွေအပြင် အခြားလိုအပ်တာတွေကို လှူဒါန်းကုသိုလ်ယူခဲ့တာ ဖြစ်ပါတယ်။

လှူဒါန်းမှုပြုလုပ်ကုသိုလ်ယူခဲ့တဲ့ ပုံရိပ်လေးတွေအပြင် Live လွှင့်ပြီးတော့လည်း ကုသိုလ်ယူခဲ့တဲ့အမှတ်တရလေးတွေကို သူ့ရဲ့လူမှုကွန်ယက်စာမျက်နှာကနေ ဝေမျှထားတာလည်း တွေ့ရပါတယ်။ ပြည်သူတွေနဲ့ မိတ်ဆွေသူငယ်ချင်း ပရိသတ်တွေကလည်း နေဒွေးတို့သားအမိတွေရဲ့ အလှူလေးကို ဝမ်းမြောက်ဝမ်းသာနဲ့ သာဓုခေါ် ဆုတောင်းပေးထားကြတာလည်း တွေ့ရပါတယ်။

သတင်း အရင်းအမြစ်៖ နေဒွေး Fb Page