ပြင်ဦးလွင်မြို့မှာရှိတဲ့ ဘုန်းကြီးကျောင်း လမ်းခင်းဖို့အတွက် လှူဒါန်းမှုတွေ ပြုလုပ်ခဲ့တဲ့ ဝတ်မှုံရွှေရည်တို့မိသားစု

သရုပ်ဆောင်မင်းသမီးချော ဝတ်မှုံရွှေရည်ကတော့ ပြည်ပနိုင်ငံက ချီးမြှင့်ပေးအပ်တဲ့ ထူးချွန်ဆုတွေရရှိထားကာ ထိပ်တန်းကနေ အောင်မြင်နေတဲ့ အနုပညာရှင်တစ်ယောက်ပဲ ဖြစ်ပါတယ်။ အရေးတော်ပုံကြီးမှာ အနုပညာရှင် ညီအစ်ကိုမောင်နှမတွေနဲ့အတူ လမ်းပေါ်ထွက်လှုပ်ရှားမှုတွေမှာလည်း ပြည်သူတွေနဲ့ရပ်တည်ခဲ့ပြီး လိုအပ်နေတဲ့ပြည်သူတွေအတွက်လည်း တတ်နိုင်သလောက်ဖေးမကူညီ လှူဒါန်းနေတာ ဖြစ်ပါတယ်။ 

​အားလုံးက ချစ်ခင်အားပေးနေကြရတဲ့ ရွှေကစ်လေးကတော့ ဒီကနေ့မှာလည်း ပြင်ဦးလွင်မြို့မှာရှိတဲ့ ဘုန်းကြီးကျောင်း လမ်းခင်းဖို့အတွက် လှူဒါန်းမှုတွေ ပြုလုပ်ခဲ့တယ်လို့ သိရပါတယ်။ စားဝတ်နေရေးတွေအပြင် စီးပွားကြပ်တည်းနေတဲ့ အခုလိုအချိန်ကာလကြီးမှာလည်း လှူဒါန်းမှုတွေကို မကြာခဏပြုလုပ်နေတာလည်း ဖြစ်ပါတယ်။ 

ပြင်ဦးလွင်မြို့ ပြင်စာနောင်ဝယ်ရွာစိတ္တပါလ ဗုဒ္ဓ ဝိပသနာကျောင်း လမ်းခင်းဖို့အတွက် အလှူငွေ (၁)သိန်း နဲ့ အမိုးမိုးဖို့အတွက် အလှူငွေ(၁)သိန်းကို မိသားစုတွေနဲ့အတူ လှူဒါန်းခဲ့တာ ဖြစ်ပါတယ်။ မွန်မြတ်လွန်းတဲ့ ကောင်းမှုလေးတွေနဲ့ ကုသိုလ်ယူနေတဲ့ ဝတ်မှုံရွှေရည်တို့မိသားစု အလှူလေးကို အားလုံးက ဝမ်းသာစွာ သာဓုခေါ်ဆုတောင်းပေးနေကြတာလည်း ဖြစ်ပါတယ်။