နက်ဇ်ကာ မျဉ်းကြောင်းများဟာ ပီရူးနိုင်ငံ၊ နက်ဇ်ကာ ကန္တာရ နယ်မြေအတွင်း ရှိပြီး ကန္တာရ မြေပြင်ပေါ်မှာ ရေးဆွဲထားတဲ့ ရှေးဟောင်းမျဉ်းများကို ကိုယ်စားပြုထားတာ ဖြစ်ပါတယ်။ ဒီမျဉ်းကြောင်းများကို ၁၉၂၇ ခုနှစ်တွင် ရှာဖွေ တွေ့ရှိခဲ့ပြီး လွန်ခဲ့သော နှစ်ပေါင်း နှစ်ထောင်ကျော် ယဉ်ကျေးမှုရဲ့ ကြွင်းကျန်သော အထူးခြားဆုံး အမွေအနှစ် ဖြစ်ပါတယ်။
အဆိုပါ နက်ဇ်ကာ မျဉ်းကြောင်းများဟာ ဘယ်လို နည်းပညာကို သုံးပြီး ဘာကြောင့် ရေးဆွဲခဲ့လဲဆိုတာ ယနေ့အချိန်အထိ အဖြေမရှာနိုင်ကြသေးပါဘူး။ မျဉ်းများဟာ အဖြောင့် နှင့် စပရိန်ပုံများ ပါဝင်နေသည့်အပြင် ပင့်ကူ၊ ငှက်ပိတုန်း၊ တောင်အမေရိက ကုလားအုတ် လာမာ နှင့် မျောက်ပုံသဏ္ဍာန်များ ပါဝင်ပါတယ်။ တော်တော်ကိုရှုပ်ထွေးပြီး ဆွဲခဲ့တဲ့သူတွေ ဘယ်လိုဆွဲခဲ့လဲဆိုတာတော့ မသိရှိကြရသေးပါ။
မျဉ်းများကို အနီရောင် ကျောက်တုံးများ ဖယ်ရှားကာ ဆွဲသားထားသဖြင့် မြေအောက် အဖြူရောင်မြေလွှာ အနီးမှ ပန်းရောင်များကို မြင်နိုင်ပါတယ်။ ဒီမျဉ်းတွေဟာ ဘယ်လို ရည်ရွယ်ချက်တွေနဲ့ တည်ဆောက်ခဲ့လဲ ဆိုတာ ယနေ့အချိန်အထိ သိပ္ပံပညာရှင်များ အတွက် အဖြေမထုတ်နိုင်တဲ့ ပုစ္ဆာတစ်ခုအဖြစ် တည်ရှိနေဆဲ ဖြစ်ပါတယ်။ အဆိုပါ နက်ဇ်ကာလိုင်းတွေကို လာရောက်လေ့လာလည်ပတ်တဲ့ ကမ္ဘာလှည့်ခရီးသွားများစွာရှိတယ်လို့လည်း သိရပါတယ်။
သတင်း အရင်းအမြစ်៖ History