ထိုင်းနိုင်ငံမှာ ရေကြီးရေလျှံမှုဖြစ်ပွားခဲ့တာကြောင့် ချိုင်ယဖူးခရိုင်မှာရှိတဲ့ အိမ်သုံးပစ္စည်း အရောင်းဆိုင်ထဲ က ပစ္စည်းတွေဟာ ရေစီးနဲ့အတူမျောပါနေခဲ့ပါတယ်။ အတော်လေးကိုကြီးမားတဲ့ ပစ္စည်းတွေတောင် ရေစီးနဲ့အတူမျောပါနေခဲ့ပြီး လူတွေကလည်း ဘယ်လိုမှမတတ်နိုင်တဲ့ အနေအထား ဖြစ်နေခဲ့တာပါ။ မြဝတီမြို့မှာလည်း အကြီးအကျယ်မိုးရွာသွန်းမှုမရှိခဲ့ပေမယ့် ကမ်းနားဖက်တွေမှာ ရေကြီးရေလျှံမှုဖြစ်တာကြောင့် ဒုက္ခတွေရောက်နေကြကြောင်းကို ဒေသခံတွေရဲ့ပြောစကားအရ သိရပါတယ်။
အခုလိုပစ္စည်းတွေရေထဲမျောပါသွားတာကို ထိန်းချုပ်နိုင်စွမ်းမရှိတာကြောင့် ဆုံးရှုံးမှုကတော့ အနည်းနဲ့အများရှိမှာပါ။ သန်လွန်းတဲ့ရေစီးကြောင့် လူတွေတောင်ဘေးလွတ်ရာကို မနည်းရွှေ့ပြောင်းနေရ ချိန်မှာ ဒီပစ္စည်းတွေကိုလိုက်ပြီးထိန်းသိမ်းဖို့ဆိုတာ အတော်လေးမလွယ်ပါဘူး။ ရေကျသွားတဲ့အချိန်မှာ ဒီပစ္စည်းတွေကို ပြန်လိုက်ရှာရင်တောင် အကုန်လုံးပြန်ရဖို့ဆိုတာ ခက်ခဲပါတယ်။ ဒီအရောင်းဆိုင်ဟာ ဆိုင်အကြီးကြီးဖြစ်ပြီး ပစ္စည်းတော်တော်များများလည်း ရှိထားတာမို့ အခုလိုရေကြီးတဲ့အချိန်မှာ ဆိုင်မှာထားရှိတဲ့ပစ္စည်းတွေ အခုလိုမျောပါသွားခဲ့ရတာပါ။
ပစ္စည်းတွေရေစီးထဲမျောပါနေတာကို ဘေးကနေပဲ ထိုင်ကြည့်နေရတဲ့ ပိုင်ရှင်တွေရဲ့ခံစားချက်ကတော့ အတော်လေးဝမ်းနည်စရာဖြစ်နေမှာပါ။ ဒီအဖြစ်အပျက်ကို ထိုင်းနိုင်ငံမှာရှိတဲ့မြန်မာအလုပ်သမားတွေ စုဝေးထားတဲ့အဖွဲ့အစည်းရဲ့ Facebook လူမှုကွန်ယက်စာမျက်နှာထက်မှာတင်ထားခဲ့တာဖြစ်ပါတယ်။ ရေကြီးရေလျှံမှုတွေဖြစ်ပွားတာကြောင့် လူတော်တော်များများ နေရေးစားရေးခက်ခဲနေခဲ့ပြီး ပစ္စည်းဥစ္စာဆုံးရှုံးမှုတွေလည်း ဖြစ်နေခဲ့ကြပါတယ်။
သတင်း အရင်းအမြစ်៖ บัตรต่างด้าว - ထိုင်းနိုင်ငံရှိမြန်မာအလုပ်သမားများ's FB Acc