လူရွှင်တော်မိုးစက်ဟာ လတ်တလောမှာ အကြောင်းအမျိုးမျိုးကြောင့် စားဝတ်နေရေးအတွက် အခက်အခဲဖြစ်နေတဲ့ ပြည်သူတွေကို တစ်ဖက်တစ်လမ်းကနေ ကူညီလှူဒါန်းမှုတွေ ပြုလုပ်ပေးနေတာကြောင့် ပရိသတ်အားပေးချစ်ခင်နေကြတဲ့ အနုပညာရှင်လေးဖြစ်ပါတယ်။ မိုးစက်ဟာ ကိုယ်တိုင်လည်းရရှိတဲ့အနုပညာကြေးလေးတွေစုပေါင်းပြီး လှူဒါန်းသလို အများစုပေါင်းအလှူတွေမှာလည်း လုပ်အားဒါနတွေကူညီလေ့ရှိသူပါ ။
မိုးစက်ဟာ တက်သစ်စဟာသလူရွှင်တော်လေးဖြစ်ပေမယ့် သက်ကြီးရွယ်အိုလူရွှင်တော်ကြီးတွေအတွက်လည်း လှူဒါန်းပူဇော်မှုတွေပြုလုပ်ပေးနေပြီး တတ်နိုင်သလောက်အလှူတွေခံပေးကာ ကူညီဆောင်ရွက်ပေးနေတာဖြစ်ပါတယ်။ အခုအခါမှာဆိုရင်လည်း လူရွှင်တော်မိုးစက်ဟာ ညမိုးချုပ်တဲ့အထိ လေမှုတ်ရုပ်လေးတွေကို စက်ဘီးလေးနဲ့ လိုက်ရောင်းနေရတဲ့အဘအတွက် တတ်နိုင်သလောက်လေး လှူဒါန်းခဲ့တာဖြစ်ပါတယ် ။
သူကိုယ်တိုင်လည်း ငယ်စဉ်က လေမှုတ်ရုပ်လိုက်ရောင်းခဲ့ရတာဖြစ်တဲ့အတွက် ကိုယ်ချင်းလည်းစာမိသလို မိုးချုပ်တဲ့အထိရောင်းနေရတဲ့ အဘကို သနားဂရုဏာသက်မိတာကြောင့် လေယာဉ်ပျံလေမှုတ်ရုပ်လေးကို ငါးသောင်းပေးပြီး အားပေးလိုက်တဲ့အကြောင်းကို ရေးသားမျှဝေထားပါတယ် ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော် ။
သတင်း အရင်းအမြစ်៖ Moe Sat's Facebook acc