မြန်မာနိုင်ငံရဲ့ နိုင်ငံရေးအခြေအနေတွေကြောင့်လူငယ်တော်တော်များများဟာ အာဏာရှင်ကိုတွန်းလှန်နိုင်ဖို့အတွက် လွတ်မြောက်နယ်မြေမှာ တိုင်းရင်းသားလက်နက်ကိုင်တွေနဲ့ ပူးပေါင်းပြီး စစ်သင်တန်းတွေတက်ရောက်ကာ အသက်စွန့်ကြိုးစား တိုက်ပွဲဝင်နေကြတာ ဖြစ်ပါတယ်။ လက်ရှိမှာလည်း တိုက်ပွဲတွေဆက်တိုက်ဖြစ်ပွားနေပြီး လွတ်မြောက်နယ်မြေမှာ PDF လူငယ်တွေအနေနဲ့ အခက်အခဲတွေများစွာကို အားတင်းရင်ဆိုင်ကာ စစ်ရေးလေ့ကျင့်မှုတွေ ပြုလုပ်နေကြတာပါ။
PDF ရဲဘော်တွေအနေနဲ့လည်း တောထဲတောင်ထဲတွေမှာ ခက်ခက်ခဲခဲစစ်ပညာသင်ယူနေကြရပြီး လိုအပ်ချက်တွေအများအပြားရှိတာကြောင့် ပြည်သူတွေအနေနဲ့လည်း တတ်နိုင်သရွေ့ကူညီလှူဒါန်းမှုတွေ ပြုလုပ်ပေးနေတာဖြစ်ပါတယ်။ PDFရဲဘော်တွေအနေနဲ့လည်း ပြည်သူတွေထောက်ပံ့ပေးတဲ့ ရိက္ခာတွေနဲ့ လောက်ငှအောင်စားသောက်ကြပြီး အရေးတော်ပုံကြီးအောင်မြင်ရေးအတွက် ကြိုးစားနေကြတာတွေ့ရပါတယ်။
အခုအခါမှာဆိုရင်လည်း မိုးတွင်းကာလလည်းဖြစ်တဲ့အပြင် ဆောင်းတွင်းရောက်လာတော့မှာဖြစ်တာကြောင့် PDF ရဲဘော်လေးတွေအတွက် အနွေးထည်တွေလိုအပ်နေတာပါ။ ဒါ့ကြောင့်ပြည်သူတွေကလည်း လှူဒါန်းပေးကြပြီး အားတက်စေမယ့် စာလေးတွေပါရေးထည့်ပေးကြတာတွေ့ရပါတယ် ။ စာလေးတွေဖတ်ရင်း ရဲဘော်တွေလည်း၀မ်းနည်း၀မ်းသာဖြစ်ကြကာ အားတင်းထားကြောင်းကိုလည်း မကြာသေးမီက PDF ရဲဘော်တစ်ဦးဟာ သူ့ရဲ့Facebook စာမျက်နှာလေးမှာ မျှဝေထားခဲ့ပါတယ်။
သတင်း အရင်းအမြစ်៖ Unlimit's Facebook acc